Предыдущая публикация
AQShda kreditga beriladigan avtomobillarga “o‘lim tugmachalari” o‘rnatilmoqda
AQShda dvigatelni masofadan turib bloklash tizimi o‘rnatilgan avtomobillar soni ortib bormoqda. Bunday qurilmalardan kredit tashkilotlari kerakli mablag‘ni o‘z vaqtida to‘lamaydigan mijozlarga qarshi kurahish uchun foydalanadi, deb xabar bermoqda “Noviy vek”.
Foto: autotuningnews.ru Bir qancha afzalliklariga qaramay, tizimning qonuniyligi masalasi so‘roq ostida qolmoqda, chunki bu jiddiy yo‘l-transport hodisalariga olib kelishi mumkin. The New York Times gazetasining xabar berishicha, AQSh yo‘llarida ayni paytda ishga tushirish tizimini bloklaydigan “o‘lim tugmachasi” o‘rnatilgan va kreditga olingan ikki millionga yaqin avtomobillar harakatlanmoqda.
Agar avtomobil sohibida kredit bo‘yicha qarzdorlik paydo bo‘lsa, tizim uni maxsus signal orqali ogohlantiradi. Kreditorning istagiga qarab, avtomobil dvigateli bloklab qo‘yilishi mumkin, shundan keyin uni qayta ishga tushirib bo‘lmaydi. Bloklash istalgan paytda sodir bo‘lishi mumkin, bu holat haydovchini chorasiz qoldiradi. AQShda shu paytgacha katta magistrallarda yoki tez tibbiy yordamga shoshilayotgan vaqtda bunday avtomobillarning o‘chib qolishi bir necha marta kuzatilgan.
Avtomobillarni masofadan turib bloklash tizimlarini ishlab chiqarish bilan shug‘ullanuvchi Imetrik kompaniyasi vakillari ularning qurilmalari faqatgina harakatlanmayotgan avtomobillarni to‘xtatish uchun mo‘ljallanganini ta’kidlagan. Qiymati 100 dollar bo‘lgan Imetrik mahsulotlari hozirgacha 800 000 nuxsada sotilgan. Forbes jurnalining qayd etishicha, bu sohada Passtime va Skypatrol kompaniyalari ham yetakchi hisoblanadi. Ba’zi qurilmalar GPS bilan jihozlangan bo‘lib, avtomobillarni shaharning eng xavfsiz hududlarida bloklaydi.
Следующая публикация
Нет комментариев