------------—------— Bulbamovie на Чердаке !

—----------------
________________Вход БЕСПЛАТНЫЙ !__________________
Начало 09 декабря в 19.00
Bulbamovie - это открытый фестиваль белорусского независимого кино, который с 2011 года ежегодно проходит в Варшаве, в этом году он впервые был представлен в Минске. Целью фестиваля является популяризация и распространение белорусского современного кино.
Все фильмы, которые можно будет посмотреть, были также представлены на фестивале Лiстапад 2015.
Список фильмов, которые будем смотреть и обсуждать:
Белкіно: перазагрузка. Лепшыя стужкі Bulbamovie- 2015
1. „Адной крыві” (маст., 15 хв., рэж. Мітры Сямёнаў-Алейнікаў)
Прыз “Залатая бульба”, гран-пры гледачоў
Адзін – памяркоўны, другі – шалёны. Адзін – адказны, другі – рашучы. Яны браты. Але чаго вартае тое братэрства ў сьвеце татальнага супрацьстаяньня? І праз якія выпрабаванні трэба прайсьці, каб, нарэшце, зразумець адзін аднаго? Выбуховая сацыяльная драма зь нечаканым фіналам.
2. „Пасха Хрыстова” (дак., 13 хв., рэж. Дар’я Юркевіч)
Прыз “Залатая бульба”
Сьвята ў сэрцы, сьвята ў душы. Што з ім рабіць? І што яно робіць з намі? На Вялікдзень народ цягнецца да невялічкай царквы на ўскраіне Менску. Народ розны. І свята таксама рознае. Амаль рэпартажная - і адначасова вельмі стылёвая – чорна-белая паштоўка з глыбіні беларускай падсьвядомасьці.
3. „Кансьерж” (маст., 9 хв., рэж. Робэрт Сэнэка)
Прыз “Бронзавая бульба”
У гэтым доме ўсё залежыць ад канкрэтнай адказнай асобы. Вельмі канкрэтнай. Вельмі адказнай. І вельмі спрэчнай. На яе месца нібыта хапае прэтэндэнтаў. Але хто яны і як зь імі пазнаёміцца наіўнаму жыхару з трэцяга паверха? Таямнічая гісторыя часоў парадку і стабільнасьці.
4. „Пугач” (маст., 12 хв., рэж. Сяргей Каласоўскi)
Спэцпрыз за лепшы гук
Дзяцінства – ня шчасьце, а праблема. Асабліва калі на двары змрочныя 1990-я, ты граеш на флейце, а насустрач валяць сур’езныя пацаны з сур’езнымі прапановамі. Адмовіцца сорамна, пагадзіцца праблемна… Драматычнае падлеткавае рэтра пра вайну за каляровыя жуйкі.
5. „Амэрыкан бой” (маст., 25 хв., рэж. Мікіта Лаўрэцкі)
Другі прыз гледачоў
Варта адвучыцца ў Амэрыцы, каб зразумець, што вяртацца няма куды: горад амаль непазнавальны, сяброўкі амаль чужыя, а лепшы сябар зьбірае выявы былога Менску і выдумляе саўндтрэкі да прахадных двароў. Мы побач – але ці разам? Псыхалягічны аўтапартрэт новай генэрацыі.
6. „Беларусь якая” (маст., 25 хв., рэж. Улада Сянкова і Сьвятланa Сакалоўская)
Трэці прыз гледачоў
Простыя пытаньні – самыя складаныя. Напрыклад, Беларусь – яна якая? Настаўніца запыталася – а ты адказвай сабе, як хочаш. Хлопчык шукае Беларусь на вуліцах Менску, сярод хіпстэраў, турыстаў, вулічных музыкаў, маляўнічых мінакоў і дасьведчаных спажыўцоў піцы. Ці атрымаецца скласьці з гэтага выяву краіны?
Фільмы-пераможцы і праект Bulbamovie прэзэнтуюць чальцы журы конкурсу і аўтары стужак. Пасьля прагляду – адкрытая дыскусыя і адказы на пытаньні.