Паважаныя сябры
Рады Вас вітаць, Вам дабра жадаць.
Вам дабра жадаць і здароўейка!
Хай доўгія гады Вам свеціць сонейка.
Менавіта з такіх цёплых ды лагодных пажаданяў у мінулыя выхадныя на сцэнічнай пляцоўцы гарацкога цэнтра культуры і народнай творчасці распачаўся канцэрт самадзейных артыстаў Ліплянскага сельскага дома культуры. Было вельмі прыемна што не гледзячы на спякотнае надвор’е слухачоў сабралася шмат. Канцэртную праграму распачаў Народны фальклорны ансамбль “Веснянка”. Загучала народная беларуская песня, яна плыла, захапляла, закранала самыя патаемныя струны душы. Бурнымі апладысментамі ды прыгожымі кветкамі дзякавалі гледачы за сустрэчу з нашай народнай песняй. А тым часам на пляцоўку вядучая запрасіла калектыў-спадарожнік Народнага ансамбля “Веснянка” Узорны гурт “Карагод”. Юныя артысты не толькі выконвалі беларускія народныя песні, а вельмі заўзята танчылі. Нямала танцаў ёсць на свеце, трэба ўмець іх толькі выбіраць а вось Ліплянскую кадрэлю дзеці запрасілі гледачоў разам з імі танцаваць.
Шмат апладысментаў атрымалі салісты дома культуры: Нелі Халява, Тамара Гаўрылавец, Павел Рагачоў, Анастасія Батурэвіч, Дзмітрый Лось малодшы. Асобныя словы падякі музыкам- Ўладзіміру Ляўкоўскаму і Паўлу Рагачову.
Яскравым стаў фінал. Усе самадзейныя артысты, якія прымалі удзел у канцерце, выйшлі на імправізаваную сцену, дзе іх бурнымі апладысментамі віталі гледачы.
Мы спадзяемся, што сустрэча з нашай народнай песняй не аставіла гледачоў абыякавымі і ўпэўнены ў тым, што народная песня – гэта той скарб, які трэба берагчы і перадаць нашчадкам.
Присоединяйтесь к ОК, чтобы подписаться на группу и комментировать публикации.
Нет комментариев