Саляуат

Съаляуатны Мубарек Рамадъа́н айында чокъча айтмакъ — пек хайырлы ве саваплы иштир. Чюнки Рамадъан айында япылгъан хайырлы ишлеричюн саваплар къат-къат зияде арта. Бундан гъайры Раби́‘уль-Аууаль айында, яни Пейгъамбер Эфендимиз ﷺ догъгъан айында ве афтанынъ энъ хайырлы куню олгъан Джума куню де чокъча съалават кетирмек гузель бир иштир. Джума куню чокъ Съаляуат кетирмекнинъ файдасы акъкъында бир чокъ Хадис бар.
Абу́ Даууд ве Ан-Наса́'ий ривает эткенлерине коре, Пейгъамбер Эфендимиз ﷺ буюрды:
إِنَّ مِنْ أَفْضَلِ أَيَّامِكُمْ يَوْمَ الْجُمُعَةِ فَأَكْثِرُوا عَلَيَّ مِنَ الصَّلاةِ فِيهِ،
إِنَّ صَلاتَكَمْ مَعْرُوضَةٌ عَلَيَّ
Манасы: «Афтанынъ энъ яхшы куню — Джума кунюдир. Шу куню чокъча Съаляуатлар кетирмеге тырышынъыз. Керчектен, сизинъ съаляуатларынъыз манъа ёлланылыр».
Ер юзюнде кезген мелеклер бар ки, олар Пейгъамберимизнинъ умметинден олгъан инсанлардан съаля́т-у селямларны Пейгъамберимизге алып кетирелер. Джума куню исе мусульманларнынъ съаляватларыны Пейгъамбер Эфендимиз Озю эшите ве джевабыны бере.
Подробнее: https://cdumk.ru/stati/pyatnichnye-propovedi/na-krymskotatarskom-yazyke/561-salauat