Диний бильгилер – Ислямнынъ аяты 2 къ.

: насыл илим алмакъ керек
Аль-Байhакъый имамы Пейгъамберимиз Мухьаммаднинъ ﷺ бойле Хьади́сьни беян этти:
"طَلَبُ الْعِلْمِ فَرِيضَةٌ عَلَى كُلِّ مُسْلِمٍ"
Манасы: «Диний бильгилерни алмагъа (огренмеге) – эр бир мусульманнынъ боюн борджыдыр».
Ваджип олгъан диний бильгилер микъдарына Тевхид ильми ве эр бир мусульман озь Иманыны сакълагъан бильгилер кире. Буны эр бир мусульман бильмек керектир.
Инсан джаиль олмамакъ керек, чюнки бильгили олмакъ тек илим адамларынен сынъырланмагъан, бутюн инсанларнынъ борджудыр.
Ибн Аль-Муба́рактан диний бильгилерден мытлакъа бильмеге керек олгъан недир деп сорагъанда, о, ваджип олгъан диний бильгилер микъдарына шуны да кирсеткен эди:
«Инсан бильгиси олмадан бир де бир арекетнинъ япылмасына башламасын, сорасын ве огренсин. Инсан ичюн диний бильгилерни огренмек – ваджиптир».
Подробнее на сайте: https://cdumk.ru/stati/pyatnichnye-propovedi/na-krymskotatarskom-yazyke/2242-dinij-bilgiler-islyamnyn-ayaty-2-k-nasyl-ilim-almak-kerek