"Таң" менән изгелек ҡыл" акцияһы дауам итә

Район хакимиәте башлығы урынбаҫары-финанс идаралығы начальнигы Гөлшат Хәсәнова "Таң" менән изгелек ҡыл!" акцияһын дауам итеп, Иҫке Собханғол ауылында йәшәүсе МХО яугиры әсәһенә 2026 йылдың тәүге яртыһына район гәзите "Таң"ға подписка бүләк итте.
Изгелек сылбырын район хакимиәте башлығының иҡтисад, эшҡыуарлыҡ һәм туризм буйынса урынбаҫары Илфат Ғәлин дауам итте. Ул "Таң"ға Әбделмәмбәт ауылынан махсус хәрби операцияла ҡатнашыусының атаһын яҙҙырҙы. Үҙ сиратында ул эстафетаны район Советы секретаре вазифаһын башҡарыусы Гүзәл Муллағоловаға тапшырҙы.
#Добрая_подписка #Таң_менән_изгелек_ҡыл