Farzandingiz kichkina bo'lganida, kun tartibining naqadar muhimligini va qanchalik qadr-qimmatga ega ekanligini tushungan va his qilgan bo'lsangiz kerak. Agarda bunga ishonmasdan kimdir tajriba o'tkazib, bitta bolasini aniq bir tartibni belgilab, ikkinchisini hech qanday kun tartibisiz tarbiya qilsa, - birinchi bolasining ikkinchisidan baquvvat va ruhiy jihatdan sog'lom ulg'ayishi aniqdir.

    Shunday qilib, uch yoshgacha siz aniq bir kun tartibiga rioya qilgansiz. 4-5 yoshda bolaning kun tartibi asta sekin o'zgara boshlaydi. Bu nima bilan bog'liq? Bola o'smoqda, unga uyqu uchun endi kamroq vaqt, faol harakatlari uchun esa - yanada ko'proq vaqt kerak bo'lmoqda; bitta o'tirishida ko'proq ovqat emoqda, shuning uchun tez-tez qayta ovqatlanishi qisqarmoqda; fiziologik va psixologik jihatdan faol rivojlanmoqda, bola o'z vaqtini ko'proq o'yinlar bilan o'tkazmoqda.

    Siz, bolangizni kun tartibini, albatta - hayot tarzingizni, oila urf-odatlarini, va h.k. hisobga olgan holda belgilashga o'zingiz haqlisiz. Lekin asos uchun quyidagi 4-5 yoshli bolalar kun tartibini olishingizni taklif qilamiz.

    • 7.30 - 8.30 - ertalabki badantarbiya, hojat suv (va chiniqish) muolajalari; 8.30 - 9.00 - nonushta;

    • 9.00 - 9.30 - uyinlar, mashg'ulotlar yoki uy buyicha onaga yordamlashish;

    • 9.30 -11.30 - toza havodagi sayr; 11.30 - 12.00 - uyga kirish, uyinlar, ota -onalar, aka-singillar bilan gaplashish;

    • 12.00 - 12.30 - tushlik; 12.30 -15.00 - uyqu;

    • 15.00 -16.00 - uyg'onish, choy ichish, unchalik ko'p harakat talab qilmaydigan o'yinlar; 16.00 -18.00 - toza havodagi sayr;

    • 18.00 - 19.00 - ko'chadan uyga kirish va ota-onalar yoki boshqa oila a'zolari bilan o'yinlar, ayrim mashg'ulotlar; 19.00 - 19.30 - kechki ovqat;

    • 19.30 - 20.30 - tinch, kuchli diqqatni talab qilmaydigan o'yinlar; 20.30 - 7.30 - uyqu.

Manba: S.Zaysev «1000 sovetov po uxodu za rebenkom ot chetyrex do semi let»