Քո հեռանալով, ճիշտ է, կավերվեմ,

բայց չեմ մահանա...
Քո հեռանալով շատ բան կփոխվի,
Բայց չի ավարտվի իմ կյանքը հաստատ...
Դու կապրես ուրախ քո նոր սիրո հետ,
Ես էլ կփորձեմ ապրել հուշերով ,
Եվ չմահանալ միայն այն մտքից,
Որ երջանիկ ես հիմա դու ապրում,
Որ դու վերջապես գտել ես նրան,
Ում որոնել ես դու քո ողջ կյանքում....
Կփորձեմ ապրել քեզնով...առանց քեզ....
Չմեղադրելով երբևէ ես քեզ` ավերված հոգու,
Մեր կիսատ սիրո...
Մեր չկայացած երջանիկ կյանքի,
Օդում դեռ կախված քո խոստումների,
Կիսատ և արդեն անիմաստ դարձած իմ կյանքի համար...
Կմեղադրեմ ինձ (լավ չջրեցի ծիլերը սիրո,
Նրանք չորացան արևի կիզիչ ճառագայթներից)...
Կդատապարտվեմ ցմահ գերության...
Կլինեմ գերիդ ....բայց՝ քեզնից հեռու....
Կապրեմ ես քեզնով ....ցավոք՝ առանց քեզ...
Լուսինե Նազարեթյան
28.06.2016