Белтелерадиофонд

#Дзеньархівіста 🍂 📺 У святочным фрагменце гала-канцэрт “Дзве яркія зоркі” да 130-годдзя класікаў беларускай літаратуры Янкі Купалы і Якуба Коласа на сцэне XII Нацыянальнага фестывалю беларускай песні і паэзіі “Маладзечна-2012”. ☀ Пяшчотны коласаўскі “Мой родны кут, як ты мне мілы” на лагодную мелодыю народнага артыста СССР Ігара Лучанка ў выкананні народнага артыста Беларусі Мікалая Скорыкава. 🎶 Музычнае суправаджэнне – заслужаны калектыў “Нацыянальны акадэмічны канцэртны аркестр Рэспублікі Беларусь” пад кіраўніцтвам народнага артыста Беларусі Міхаіла Фінберга ◀ 👫 Харэаграфічнае суправаджэнне – заслужаны калектыў “Нацыянальны акадэмічны ансамбль танца Беларусі”, мастацкі кіраўнік – народны артыст Беларусі Валянцін Дудкевіч. ❗ Дарэчы, віншуем Валянціна Уладзіміравіча з днём нараджэння і шчыра дзякуем за тыя творчыя здабыткі, якія сёння па праву лічацца вялікай каштоўнасцю нацыянальнай культуры і ўваходзяць у #залатыфонд кадраўмінулага! ✅ Усім, хто мае дачыненне да архіўнай справы, жадаем здароўя і моцы трымаць і памнажаць багатую спадчыну дзеля будучыні. Са святам 🎉 #Белтэлерадыёфонд #тэлеархіў #архіўБТ #фестываль #маладзечна

#Восень 🍂 📺 Дзіўныя вобразы “Залатой восені” на пляцоўцы цёплых успамінаў у прыгажосці паэтычных радкоў Аляксандра Лягчылава і цеплыні адной з найпрыгажэйшых мелодый Яўгена Глебава. 💛 Фрагмент творчага вечара Якава Навуменкі “Шчыра ваш…”, запіс 1997 год. 🍁 Таямнічы свет мастацтва і той самы непаўторны вобраз восені ўвасоблены Дзяржаўным канцэртным аркестрам Беларусі пад кіраўніцтвам дырыжора Міхаіла Фінберга 🎼 #Белтэлерадыёфонд #тэлеархіў #архіўБТ #эстрада #канцэртныаркестр

... Звон, лiстапада чароўны звон, Ты i пяшчота, i плён. 🍂 Сон, затрымайся, салодкi сон, Ты – толькi наш дзiўны сон. 💛 🎶 (Аляксандр Лягчылаў)📝

👪 Народная песня для сям’і Гаўрыленка – адзін з самых надзейных і адданых сяброў. 😊 Завадатар у сямейнай самадзейнасці Валянціна Андрэеўна, падтрымліваюць яе тры дачкі, дзве кумы і пляменнікі. Вось такі калектыў аднадумцаў. 🌿 Дарэчы, любяць выступаць не толькі для мясцовага гледача, а і гастраляваць, з задавальненнем і аддачай спяваюць для прыхільнікаў самабытнай песеннай мудрасці. ☀ Цвёрда ўпэўнены, што народная песня самая блізкая да сэрца, таму яна будзе жыць вечна. ⏳ 📺 Малая радзіма творчай сям’і – вёска Забялышын Хоцімскага раёна Магілёўскай вобласці, дзе і пабывала здымачная група праекта “Жыццё з песняй” у 1993 годзе і атрымала яркія ўражанні. 🌈 Такія сустрэчы даюць усведамленне, што жыццё зводзіць з унікальнымі субяседнікамі і напаўняецца глыбокім сэнсам 💛 🎶 Гучаць песні: “Рэдзьку сею, рэдзьку паліваю”, “Ой, па-над лесам”. #Белтэлерадыёфонд #тэлеархіў #архіўБТ #ЗалатыфондБТ #народнаяпесня

#Жыццёзпесняй і яшчэ адна cямейная гісторыя. 👪 На жаль, не занатаваліся прозвішчы герояў і тая мясцовасць, дзе праходзілі здымкі. ✅ Шаноўныя нашы чытачы, будзем удзячныя вам, калі хто-небудзь #пазнаекадрымінулага і падзеліцца сваімі ўспамінамі пра гэтых таленавітых аматараў народнай песні на нашай пляцоўцы 📝 📺 Вядома, што самая старэйшая ў творчай сям’і Тамара Фёдараўна вельмі рана выйшла замуж, але асабістага шчасця не знайшла, дачку Валянціну давялося гадаваць адной. ☀ Жыццё Валянціны Анатольеўны склалася шчасліва – у шлюбе 25 гадоў і прафесія ў сферы культуры прыносіць задавальненне. 💛 Адным словам, сям’я творчая і прыхільная да самабытнай песні – заўсёды гучыць падчас сямейных пасядзелак. 😊 Прызвычаіліся да песенных вечарын і дачка Святлана з мужам Эдуардам, яны жывуць разам з бацькамі і ва ўсім падтрымліваюць адзін аднаго – цесная сувязь пакаленняў і сямейных традыцый. І цудоўнае выкананне а капэла песень “Ой, да як на гары, на крутой”, “Сабраліся хлопцы” 🌿 #Белтэлерадыёфонд #тэлеархіў #архіўБТ #ЗалатыфондБТ #народнаяпесня

🍎 Наліліся водарам спелыя яблыкі! 🍏 Пахнуць клопатам і працай. Шкада надкусіць, хіба толькі любавацца. 😊 Але ж… менавіта ў дзень #ЯблычнагаСпасу кожны павінен пакаштаваць плады новага ураджаю, так лічылі нашы продкі, а яшчэ казалі, што з гэтага часу лета паварочваецца да зімы ☀ ✅ А пакуль адчуваем асалоду жніўня, ласуемся смачнай садавінай і крочым па слядах #кадраўмінулага – захапляемся вобразамі беларускай паэзіі 💛 📺 У выкананні Святланы Суседчык гучыць “Яблыневы цвет” – словы Алы Фіялкоўскай, музыка Леаніда Захлеўнага. Фрагмент тэлевізійнай перадачы “Аўтограф да прэм’еры”, запіс 1999 г. #Белтэлерадыёфонд #тэлеархіў #архіўБТ #беларускаяпесня

🍀 Марыя, 🌻 Сафія, 🌺 Ганна, 🌾 Таццяна – чатыры сястры, прыгажуні, чулыя да народнай песеннай традыцыі, што перанялі ад бацькоў і якую трапятліва перадалі сваім дзецям і ўнукам. 💛 Родныя, ды лёсы розныя, парой зусім няпростыя, з цяжкай вясковай працай, але кожная з іх лічыць сябе шчаслівай і не ўяўляе жыцця без песні, бо песня дапамагае і ў будні, і ў святы ☀ 📺 Заспяваеш – адразу лягчэй! Вось і спяваюць лірычна на чатыры галасы пра маладосць, каханне і жыццё: “Бывала, я летняй парою”, “Ішоў я позна з вечарынкі” 🌿 #Белтэлерадыёфонд #тэлеархіў #архіўБТ #ЗалатыфондБТ #народнаяпесня

📺 На стужцы #кадраўмінулага “Жыццё з песняй” і яшчэ дзве таленавітыя сям’і з васільковага Прынёманскага краю, іх паяднала адзінае захапленне – песенная творчасць 💛 🎼 “Ажаніўся стары дзед” – жартоўная народная песня ў выкананні сям’і Каленік, дзе духоўная традыцыя перадаецца ў пакаленнях. 👪 Таленавітыя бацькі – Іван Андрэеевіч і Анастасія Мартынаўна, таленавітыя і дзеці – дачка Людміла Іванаўна (баяністка), унучак Віталька 🌿 🎼 “Прыйдзі, прыйдзі, мой мілы” – акапэльнае выкананне сямейнай дружыны Бірук. Ні адно вясковае свята не абыходзілася без дзівосных галасоў Паўла Макаравіча і Зоі Ціханаўны, адным словам, спеліся і ў творчасці, і ў жыцці! ☀ #Белтэлерадыёфонд #тэлеархіў #архіўБТ #ЗалатыфондБТ #народнаяпесня

👪 Сурмалёвы – Аляксандр і Лілія – творчы сямейны тандэм з вёскі Казловічы Слуцкага раёна Мінскай вобласці. 🌿 З маленства Аляксандр Іосіфавіч быў адданы песні і гармоніку, нават з будучай жонкай пазнаёміўся ў самадзейным ансамблі. 🎼 Вось і пайшлі па жыцці разам, спяваючы, перадаючы любоў да вуснай народнай творчасці і дзецям – сыночку і дачушкам. 💛 📺 “А ў полі тры крынічанькі”, “Дзе б я ні ехала” ў меладычным слове Сурмалёвых – фрагмент тэлеперадачы “Жыццё з песняй”, запіс 1993 г. 💥 #Белтэлерадыёфонд #тэлеархіў #архіўБТ #ЗалатыфондБТ #народнаяпесня

👫 👪 Чыбусавы-Беляковічы… Такія непаўторныя, розныя, са сваімі лёсамі, патаемнымі марамі і спадзяваннямі, але ўсіх яднае натхняльная, узнёслая любоў да народнай песні, і разам яны – адзінае цэлае, творчы гурт, што шчыруе ад душы падчас сямейных пасядзелак.💛 📺 Трапятліва і далікатна гучыць “А ў полі дуб зялёны” ў сямейным выкананні. 🎼 На баяне грае Віктар Міхайлавіч Беляковіч. 🍃 Фрагмент тэлеперадачы 1993 года “Жыццё з песняй” у вёсцы Бяседавічы Хоцімскага раёна Магілёўскай вобласці. ☀ #Белтэлерадыёфонд #тэлеархіў #архіўБТ #ЗалатыфондБТ #народнаяпесня