💁🏻‍♂️ Галоўны трэнер гомельскай баскетбольнай каманды за 5 гадоў скраў у сваіх падначаленых 50 тысяч рублёў

Ён прымушаў гульцоў аддаваць яму свае зарплаты ды іншыя выплаты. Таксама спартоўцы падпісвалі фіктыўныя ведамасці пра атрыманне грошай на харчаванне. Каб неяк аргументаваць свае дзеянні, трэнер заяўляў, што грошы неабходныя для пакупкі абсталявання для трэнаванняў, для ўнясення арэнднай платы за кватэру для жаночай каманды альбо ж проста шукаў нагоду «аштрафаваць» падначаленых за «парушэнні».
Гэтая прымітыўная злачынная схема працавала больш за 5 гадоў: са жніўня 2019-га па лістапад 2024 года.
Цяпер у дачыненні да трэнера завялі крымінальную справу. Яму выставілі абвінавачванне ў перавышэнні службовых паўнамоцтваў, якое пацягнула цяжкія наступствы.