Предыдущая публикация
Менскі міліцыянт амаль 22 гады афармляў фэйкавыя справы і закрываў іх
Усё пачалося ў 2000 годзе, калі сілавік прыняў прысягу і пачаў працу ў пункце аховы правапарадку. Са службай мужчына не спраўляўся, бо працаваў там адзін. Таму вырашыў «без выкліку асобаў» складаць і падпісваць ад грамадзян тлумачэнні і пратаколы. А потым выносіць пастановы аб спыненні справы.
Пасля пераводу ў іншы раён, міліцыянт працягнуў сваю «творчасць». Усё скончылася, калі фэйкавы пратакол быў складзены на вайскоўца, які нібыта распіваў алкаголь у грамадскім месцы. Аказалася, што ў пазначаны ў пратаколе час ён быў на дзяжурстве ў вайсковай частцы, а не там, дзе «распіваў», пры тым почырк у падпісаных дакументах не ягоны.
Міліцыянт прызнаў віну. Яго асудзілі на тры гады калоніі і штраф у 12 тысяч рублёў. Працаваць у МУС яму забаронена на працягу 5 год.
Суд таксама арыштаваў у яго халадзільнік-лядоўню, тэлевізар, пральную машыну і грашовыя сродкі на рахунку.
Следующая публикация
Комментарии 1