💬«Вельмі малаверагодна, каб прадстаўнікі расейскай арміі, асабліва міністр абароны Сяргей Шайгу і начальнік генштабу генерал арміі Валерый Герасімаў, расправіліся з Яўгенам Прыгожыным без загаду Пуціна», – мяркуюць аглядальнікі амерыканскага Інстытуту вывучэння вайны (ISW).
ISW лічыць, што крушэнне самалёта Прыгожына невыпадкова адбылося роўна праз два месяцы пасля мяцяжу і згадваюць інфармацыю, якая з'явілася напярэдадні, аб зняцці генерала Сяргея Суравікіна з пасады галоўнакамандуючага Паветрана-касмічнымі сіламі Расеі.
Суравікін, які раней камандаваў расейскімі сіламі ва Украіне, пасля прыгожынскага мяцяжу знік з публічнай прасторы. Многія аглядальнікі палічылі гэта прыкметай і следствам таго, што ён падтрымліваў Прыгожына.
Ускосна на такую версію ўказвае і з'яўленне афіцыйнага пацвярджэння звальнення Суравікіна ў расійскай дзяржаўнай прэсе ў той жа дзень, калі адбылося забойства Прыгожына.
ISW пасля пераліку прычын і матываў пазбавіцца ад Прыгожына прыходзіць да высновы, што гэта была помста Уладзімера Пуціна.
📌Бізнес-джэт Embraer разбіўся 23 жніўня ў Цвярской вобласці, калі ляцеў з Пецярбургу ў Маскву. Расавіяцыя паведаміла, што на борце знаходзіліся 10 чалавек, з іх 3 — экіпаж, сярод пасажыраў былі кіраўнікі ПВК Вагнэра Яўген Прыгожын і Дзмітрый Уткін.
Присоединяйтесь к ОК, чтобы подписаться на группу и комментировать публикации.
Нет комментариев