Суд Уфы палічыў, што гэтым выразам музыка дыскрэдытаваў расейскую армію і аштрафаваў яго на 50 тысяч рублёў (каля $ 815).
Шаўчук не прысутнічаў на працэсе, але перадаў зварот, у якім расказаў, што выступаў супраць войнаў «у любой краіне і ў любыя часы».
Раней, адзначыў адвакат, у прамове Шаўчука не знайшлі якой-небудзь дыскрэдытацыі лінгвіст і псіхолаг.
💬А саму фразу Шаўчук сказаў на канцэрце «ДДТ» ва Уфе ў траўні:
«Радзіма, сябры, гэта не ж**а [азадак] прэзідэнта, якую трэба ўвесь час мусоліць, цалаваць. Радзіма – гэта бабуля-жабрачка на вакзале, якая прадае бульбу. Вось гэта Радзіма».
Затым Шаўчук трапіў у «чорны спіс» выканаўцаў, чые выступы лічацца «непажаданымі». Але не памяняў пазіцыі – так, лідар «ДДТ» выдаў кліп на песню «Не с вами», які расказвае пра мірнае жыццё расейцаў падчас вайны. А пра бабулю-жабрачку спяваў яшчэ за паўтара месяца да пачатку вайны ў песні «В магазине».
Крыніца: Тэлеканал «Белсат»
Присоединяйтесь к ОК, чтобы подписаться на группу и комментировать публикации.
Комментарии 1