ЯНКА КУПАЛА

ГОДЗЕ…
. . . . . . . . . . . . . . . . . . . . . . . . . . . . . . . .
Годзе заходняй ці ўсходняй культуры!
Для беларуса цана ім адна,
Ўсе вы, панове, аднакай натуры:
З сэрца чужога кроў саслі-б да дна.
Вашу карысць нам і вашы заслугі
Добра ўжо скеміў таптаны народ;
Добра вядомы і путы і пугі,
Песьціў якімі ваш Захад і Ўсход.
Мы не пакінем свае папялішчы,
З сьцежкі — наперад, ня пойдзем назад.
Сьмела здрузгочам старыя бажышчы,
Новым законам збудуем пасад.
. . . . . . . . . . . . . . . . . . . . . . . . . . . . . . . . . . .
29-ХІ-1912 г.