Mirziyoyev al-Xorazmiy haqida BBC lavhasini tilga oldi
Президент Шавкат Мирзиёев буюк ўзбек алломаси ал-Хоразмий ҳақида Би-би-си томонидан тайёрланган махсус лавҳани мисол тариқасида келтирди.Нью Йоркда бир гуруҳ ўзбекистонликлар билан учрашувда Президент Мирзиёев Ўзбекистонда Мирзо Улуғбек ва ал-Хоразмий мактабларини очиш тўғрисида бежизга қарор чиқармаганини айтди.
Ҳозирги ёшлардан ҳам Мирзо Улуғбек ва Хоразмийга муносиб авлод чиқишини орзу қилишини таъкидлаган Ўзбекистон Президенти Би-би-си томонидан тайёрланган туркум лавҳалар ичида Муҳаммад ибн Муса ал-Хоразмийга аталган лавҳани эътироф этган.
"Мана Би-би-си мухбири Хоразмий бобомиз тўғрисида гапирганини сизлар кўргансизлар. Бутун дунё телефонида ал-Хоразмий, буюк ўзбекни тасаввур қилинглар, деб гапирганини. Кечирасизу, керак бўлса Ўзбекистондаги кўп фуқароларимиз ҳам бунинг чуқур маъносини охиригача билмайди, десак адолатдан бўлади", - деган Шавкат Мирзиёев.Шавкат Мирзиёевнинг ушбу гаплари Ўзбекистон Президентининг Би-би-сини кузатиб боришидан далолат бериши мумкин.Шу билан бирга ўқувчиларимиз Ўзбекистонда Би-би-си Ўзбек саҳифасига киришда тўсиқлар бўлаётганини ҳам айтишади.Би-би-си томонидан тайёрланган "Дунё Тарихи" туркум лавҳаларида бугунги Ўзбекларнинг аждодлари алоҳида ҳурмат билан тилга олингани ҳақидаги мақола ва видео 2017 йилнинг 30 январ куни Би-би-си Ўзбек саҳифасида чоп қилинган эди.Хусусан, мазкур дастурларда ўз даврида бутун Ислом олами олимларига етакчилик қилган Муҳаммад ибн Муса ал-Хоразмий даҳосига аталган лавҳа ҳам ўрин олган.Муаллиф ва бошловчи - Британиядаги энг донгдор журналистлардан бири Эндрью Марр.У Ғарбда исми Алгоритм, деб бузиб талаффуз қилинадиган олим ёки ал-Хоразмий бўлмаса, компьютер ё қўл телефонлари кашф этилмас эди, деб тан олади."Ҳар гал қўлингга мобил телефонингни олганда, унутма!" - хитоб қилади атоқли журналист."Ҳар бир қўл телефони ичида мусулмон Ўзбек бор".Бу алломанинг исми эса - Муҳаммад ибн Муса ал-Хоразмий.
Prezident Shavkat Mirziyoyev buyuk oʻzbek allomasi al-Xorazmiy haqida BBC tomonidan tayyorlangan maxsus lavhani misol tariqasida keltirdi. Nyu Yorkda bir guruh oʻzbekistonliklar bilan uchrashuvda Prezident Mirziyoyev Oʻzbekistonda Mirzo Ulugʻbek va al-Xorazmiy maktablarini ochish toʻgʻrisida bejizga qaror chiqarmaganini aytdi. Hozirgi yoshlardan ham Mirzo Ulugʻbek va Xorazmiyga munosib avlod chiqishini orzu qilishini taʼkidlagan Oʻzbekiston Prezidenti BBC tomonidan tayyorlangan turkum lavhalar ichida Muhammad ibn Musa al-Xorazmiyga atalgan lavhani eʼtirof etgan.
"Mana BBC muxbiri Xorazmiy bobomiz toʻgʻrisida gapirganini sizlar koʻrgansizlar. Butun dunyo telefonida al-Xorazmiy, buyuk oʻzbekni tasavvur qilinglar, deb gapirganini. Kechirasizu, kerak boʻlsa Oʻzbekistondagi koʻp fuqarolarimiz ham buning chuqur maʼnosini oxirigacha bilmaydi, desak adolatdan boʻladi", - degan Shavkat Mirziyoyev. Shavkat Mirziyoyevning ushbu gaplari Oʻzbekiston Prezidentining BBCni kuzatib borishidan dalolat berishi mumkin. Shu bilan birga oʻquvchilarimiz Oʻzbekistonda BBC Oʻzbek sahifasiga kirishda toʻsiqlar boʻlayotganini ham aytishadi. BBC tomonidan tayyorlangan "Dunyo Tarixi" turkum lavhalarida bugungi Oʻzbeklarning ajdodlari alohida hurmat bilan tilga olingani haqidagi maqola va video 2017 yilning 30 yanvar kuni BBC Oʻzbek sahifasida chop qilingan edi. Xususan, mazkur dasturlarda oʻz davrida butun Islom olami olimlariga yetakchilik qilgan Muhammad ibn Musa al-Xorazmiy dahosiga atalgan lavha ham oʻrin olgan. Muallif va boshlovchi - Britaniyadagi eng dongdor jurnalistlardan biri Endryu Marr. U Gʻarbda ismi Algoritm, deb buzib talaffuz qilinadigan olim yoki al-Xorazmiy boʻlmasa, kompyuter yo qoʻl telefonlari kashf etilmas edi, deb tan oladi. "Har gal qoʻlingga mobil telefoningni olganda, unutma!" - xitob qiladi atoqli jurnalist. "Har bir qoʻl telefoni ichida musulmon Oʻzbek bor". Bu allomaning ismi esa - Muhammad ibn Musa al-Xorazmiy.
#мирзиёев #хоразмий #БиБиСи #bbc #mirziyoyev #xorazmiy
https://www.bbc.com/uzbek/uzbekistan-68950293 Воқеаларнинг сўнгги ривожи минтақада жиддий хавотирлар ва янги саволларни пайдо қилмоқда.
...https://www.bbc.com/uzbek/uzbekistan-68950289 Вазиятга янги баҳо.
...https://www.bbc.com/uzbek/uzbekistan-68950289 Батафсил илова қилинган линкимиз орқали танишинг.
https://www.bbc.com/uzbek/world-68948888 Батафсил илова қилинган линкимиз орқали танишинг.
https://www.bbc.com/uzbek/world-68948888 Батафсил илова қилинган линкимиз орқали танишинг.
https://youtu.be/SlmPrprM21U
https://youtu.be/VM0fRY8JMvI
Присоединяйтесь к ОК, чтобы подписаться на группу и комментировать публикации.
Комментарии 20
Лолда>Одамий