Палестина ҡыҙы Сара геолог булырға теләй

Рәсәй Геройы Максим Серафимов исемендәге "Патриот" хәрби-патриотик паркында "ГеоҺынау" тип аталған халыҡ-ара геология чемпионтының тантаналы шарттарҙа ябылыуы тураһында хәбәр иткәйнек инде. Әйткәндәй, сара республикабыҙҙа рәттән өсөнсө тапҡыр ойошторола.
Сараны ябыу тантанаһында Палестина иленән ҡатнашыусылар менән аралаштыҡ. Мәҫәлән, команда етәксеһе Палестина Юғары белем биреү министрлығы белгесе, Палестинаның дәүләт министрлығы вәкиле Әмин Навахда әйтеүенсә, улар бындай бәйгелә беренсе тапҡыр ҡатнаша. Ул биш студентты үҙе менән бергә алып килгән. Башҡортостан халҡының ҡунаҡсыллығы хайран иткән барыһын да, бик ҙурлап ҡаршы алғандар уларҙы. Башҡортостан мәҙәниәте менән Палестина мәҙәниәте бер-береһенә оҡшаған. Киләһе йылда ла Өфөләге мәртәбәле сарала ҡатнашырға теләктәре ныҡ көслө.
– Киләсәктә үҙемде геолог итеп күрәм, шуға күрә лә Палестиналағы ошо йүнәлештәге юғары уҡыу йортонда белем эстәйем, – ти Сара.
Фото: Илдар Аҡъюлов.
Автор:Илдар Акьюлов
Сығанаҡ: "Башҡортостан" гәзите ( https://ok.ru/bashortost/topic/157309010331717 ).