Предыдущая публикация
YETKİNLİK YAŞIYLA BAĞLI OLAN ƏN QƏRİBƏ ADƏTLƏR
1. Afrikada yaşayan fulbelərin yetkinliyə qədəm qoyan yeniyetmələr üçün təşkil etdiyi bir qamçılama yarışı var. Əsl kişi olduğunu sübut etmək istəyən gənclər başqa qəbilələrdən olan yaşıdlarıyla qamçılama yarışına qatılır. Uşaqlar heç bir şəkildə qorxu əlaməti göstərməməlidir. Yarışın sonunda kimin qalib olduğunu döyüşü izləyən qəbilə üzvləri elan edir.
2. Braziliyada Amazon meşələrində yaşayan Satere-Mave qəbiləsində yetkinliyə addım atmaq istəyən hər kəs dişləməsi olduqca acı verici olan qarışqaların doldurulduğu əlcəkləri geymək məcburiyyətindədir.
3. Astek İmperiyasında 17 yaşına çatan hər kişi hərbi təhsilə qəbul edilirdi. Təhsilə başlayan gəncin kişi sayılması üçün düşmən döyüşçülərdən birini tutub əsir gətirməsi lazım idi. Əsir götürülən düşmən döyüşçü başı kəsilərək öldürülürdü və bundan sonra həmin gənc kişi hesab olunmağa başlayırdı.
4. Braziliyada yaşayan matis qəbiləsinin gənc kişiləri görmə qabiliyyətlərini artırmaq üçün gözlərinə zəhər töküb bundan sonra ova çıxmağa məcbur edilirlər.
5. Şimali Amerikada yaşayan qırmızıdərili alqonkin qəbiləsinin gənc kişiləri əvvəl kimsəsiz bir yerə aparılır, qəfəsə salınır və bu gənclərə "wysoccan" adlandırılan çox güclü narkotik maddə verilir.
6. Nigeriyada yaşayan okrika qəbiləsinin inancına görə qəbilədə olan qadınlar uşaqlıqda suda yaşayan ruhlarla bir növ romantik əlaqədə olmalıdırlar. Daha sonra gənc qızlar böyüyərək qadınlığa addım atanda suda yaşayan ruhlarla olan əlaqələrini bitirməlidirlər. Buna görə də bu qadınlar qəbilədən bir kişi gəlib onları qurtarana qədər günlərlə çay suları içərisində qalmağa məhkumdurlar.
7. Kişi olaraq qəbul edilmək istəyən hər Mandan ( hindu tayfası ) gənci 4 gün boyunca yatmadan oruc tutmaq məcburiyyətində idi. 4 gündən sonra gənclərin sinələrinə şiş batırılır və onlar tavandan asılırdı. Bu mərasim boyunca hər kəs gülümsəməli və ayinlərin bitməsi üçün asılan adamın huşunu itirməsini gözləməli idi. Son mərhələdə həmin gəncin çeçələ barmağı kəsilirdi.
8. Antik Yunan cəmiyyətində gənc bir kişi ilə yaşlı bir adamın homoseksual əlaqəsi ( pedarastiya ) hər kəsin gözü qarşısında təsdiq olunurdu. Bu əlaqənin təsdiqlənməsi gənc adamın hərbi karyeraya hazır olduğunu sübut edirdi.
9. Keniyada yaşayan ogiek qəbiləsinin gəncləri əvvəl sünnət edilir və böyüklərin daxil ola bilmədiyi bir məkana aparılır. Bu məkanda gənclər gildən öz şəkillərini hazırlayır və hansısa mifoloji bir vəhşinin səsini çıxarmağa çalışırlar. Əgər onlar həmin vəhşi kimi bağırmağı öyrənə bilsələr böyük kimi qəbul olunurlar.
10. Spartalılar 12 yaşından sonra döyüşə yollanırdılar. Spartalı gənclər hər il qullara qarşı döyüşmək məcburiyyətində idilər. 12 yaşına çatmış gənclərdən yaradılan ordu qulların üzərinə göndərilirdi və bu iki qrupun döyüşü xalq tərəfindən izlənilirdi.
11. Amazonun şimal-qərbində yaşayan tikuna xalqı qəbilədə olan gənc qızlar
üçün xüsusi mərasim təşkil edir. İlk olaraq gənc qızlar kiçik bir otağa salınır və aylarla orada qalırlar. Sonra onlar öz kəndinə qayıdırlar. Belə hesab edilir ki, bu otaqdakı qızlar yeraltı dünyaya gedirlər, orada ruhən təmizlənir və əsl qadın kimi geri dönürlər.
12. Şimali Amerika hinduları və Avstraliyada yaşayan aborigenlər gənc kişiləri sınamaq üçün onları 6 ay ərzində vəhşi təbiətə buraxırdılar. Təbiət qoynuna göndərilən kişilər bir neçə gün orada qalır və həyatdakı məqsədləri barədə düşünürdülər. Özlərinə bir hədəf seçdikdən sonra isə geri qayıdırdılar.
Следующая публикация
Нет комментариев