Հայաստանում մեկնարկել են Lexus UX-ի վաճառքները

Լեքսուս ընկերության Հայաստանյան պաշտոնական ներկայացուցչությունը հայտարարում է Հայաստանում բոլորովին նոր` Lexus UX մոդելի վաճառքի մեկնարկի մասին:
UX մոդելը Lexus ընկերության բոլորովին նոր դասի քրոսովեր է: Այն Lexus-ի պատմության մեջ երբեւէ ստեղծված ամենափոքր քրոսովերն է: Lexus UX-ի երկարությունը կազմում է 4495 մմ, լայնությունը՝ 1840 մմ, իսկ բարձրությունը՝ 1520 մմ: Այս պահին վաճառքում առկա է UX200՝ 2,0 լիտր աշխատանքային ծավալով բենզինային շարժիչով, որը զարգացնում է 150 ձիաուժ հզորություն եւ 202 Նմ ոլորող մոմենտ: Այս շարժիչն իր դասում համարվում է ամենահզորն ու միեւնույն ժամանակ ամենատնտեսողը: Մեր երկրում ներկայացված բոլոր տարբերակները բացառապես առաջնաքարշակ են եւ համալրված են վարիատորային փոխանցումատուփով: Մոդելի հիմքում ընկած է Տոյոտա ընկերության նորագույն Global Architecture — Compact (GA-C) հենահարակը, որի վրա նաեւ կառուցված է Toyota C-HR մոդելը:
Լիովին նոր Lexus UX-ի բոլոր տարբերակների համար հասանելի են հակամառախուղային լուսարձակներ, ռուսալեզու բորտհամակարգիչ, 7 դյույմ տրամագծով մոնիտոր՝ հետընթացի համար նախատեսված տեսախցիկով, ավտոմատ կլիմատ-կոնտրոլ՝ Nano-e թթվածնի իոնիզացնող համակարգով, նստելատեղերի տաքացում, սպորտային նստելատեղեր, 18 դյույմանոց թեթեւաձույլ անվասկավառակներ: UX մոդելի գունային գամման ներառում է 13 երանգ, իսկ սրահի պաստառապատումը լինել կաշվից, կտորից կամ դրանց յուրօրինակ համադրությամբ:
Հայաստանում առաջարկվող Lexus UX մոդելի բոլոր տարբերակները սարքավորված են պասիվ եւ ակտիվ անվտանգության մի շարք համակարգերով, որոնց թվում են VSC, HAC եւ EBD արգելակման համակարգերը, ավտոմատ ձեռքի արգելակման համակարգը եւ 8 անվտանգության բարձիկները:
Նշենք, որ առաջիկայում նախատեսվում է նաեւ լիաքարշակ տարբերակների, ինչպես նաեւ Lexus UX250h հիբրիդային մոդելի ներկայացումը: