Мадриднинг "Атлетико" клуби ярим ҳимоячиси Антуан Гризманн жамоадаги ўрни ҳақида гапириб ўтди.

"Одамлар ёзда жамоадан кетишим ҳақида гапираётгани ҳақида ўқиган эдим. Аммо мен "Атлетико"да бахтлиман ва кетиш ниятим йўқ. Агар клуб қолишимни истаса, бу менга чексиз қувонч бағишлайди.
"Висенте Кальдерон" мен учун ўз ҳовлимдек бўлиб қолган. Бу ерда менинг яқинларим бор. Улар мени қўллайдилар ва янги мавсумда ҳам бор кучим билан ўйнашга ҳаракат қиламан.
Қанча гол ура олишимни билмайман. Аммо 25 тадан кўпроқ уриш ниятим бор. Демак ўтган мавсумдагидан кўпроқ гол уришим лозим. Мен Месси ва Роналдуга етиб олиш учун ишламоқдаман", - дейди футболчи.