"Атлетико" ҳужумчиси Фернандо Торрес Чемпионлар лигаси чорак финалида "Реал"га қарши кечадиган жавоб ўйини ҳақида фикрларини билдириб ўтди.

"Менинг омадим келган ва ЕЧЛ ҳамда Европа лигаси финалларида ўйнаганман. Аммо "Атлетико" билан ҳаммаси бошқача бўлади.
Мен ҳар доим бу жамоа билан совринлар ютиб олиш орзуим борлигини айтганман. Биз курашишимиз лозим. Мен учун муҳим ўйинлар кўп бўлган, аммо ҳеч бири бу қадар жиддий аҳамият касб этмаган. "Реал"га қарши ўйин фаолиятимдаги энг муҳими бўлади", - дейди ҳужумчи.