Երևանի «Բանանցը» երեկ պաշտոնապես խզեց իր ռմբարկու Արտակ Դաշյանի հետ պայմանագիրը: Armsport.

am-ը կարճ զրույց է ունեցել 23-ամյա կիսապաշտպանի հետ:
- Հաշվի առնելով այն, որ Դուք ընթացիկ առաջնությունում թիմի գլխավոր ռմբարկուն եք, անսպասելի էր ակումբի հետ Ձեր պայմանագրի խզման տեղեկությունը, թեև այդ մասին խոսակցություններ արդեն կային: Ի վերջո, ի՞նչն էր պատճառը, որ հեռացաք «Բանանցից»:
- Պատճառը զուտ անձնական էր, որի մասին մանրամասն խոսել չեմ կարող: Կնշեմ միայն, որ ես գոհ եմ ակումբից, նրա ղեկավարությունից ու մարզչական շտաբից, որևէ դժգոհություն չունեմ:
- Տեղեկություններ կան, որ կարիերան շարունակելու եք Հայաստանի բարձրագույն խմբի ակումբներից մեկում:
- «Գանձասարից» եղել է առաջարկ, բայց ես դեռ որևէ որոշում չեմ կայացրել:
- Իսկ ե՞րբ կլինի հստակություն:
- Ես ավելի շատ հակված եմ արտասահման տեղեփոխվելուն: Մոտ օրերս այդ հարցում հստակություն կլինի: Եթե ձմռանը չստացվի տեղափոխվել արտասահման, ապա հանդես կգամ Հայաստանում՝ մինչև հաջորդ տրանֆերային պատուհանի բացվելը:
#новости