🏠 Мутлашыусылар хоҡуҡ һаҡлау органдары йәки «Росреестр» хеҙмәткәрҙәре исеменән һеҙҙең күсемһеҙ милекте «һаҡларға» тәҡдим итә.

Йыш ҡына улар былай эш итә:
- һеҙҙең торлаҡты законһыҙ тартып алырға маташалар, шуға күрә уны ашығыс рәүештә һатып, аҡсаны хәүефһеҙ иҫәпкә һалырға кәрәк, тиҙәр;
- торлаҡһыҙ ҡалмаҫ өсөн ашығыс рәүештә документтарға ҡул ҡуйырға мәжбүр итәләр;
- тикшереү өсөн шәхси мәғлүмәттәрегеҙҙе хәбәр итеүҙе һорайҙар.
🛡️ Енәйәтселәрҙән нисек һаҡланырға – «Росреестр»ҙың Башҡортостан Республикаһы буйынса идаралығы белгестәре аңлата.
1️⃣️ Иҫегеҙгә төшөрәбеҙ, «Росреестр» һәм хоҡуҡ һаҡлау органдары хеҙмәткәрҙәре бындай иҫкәртеүҙәр менән шылтыратмай. Шикле шылтыратыу тураһында шунда уҡ полицияға хәбәр итегеҙ.
2️⃣️ Шәхси ҡатнашыуҙан башҡа килешеүҙәр теркәүҙе тыйыу тураһында ғариза бирегеҙ. Быны Госуслуги порталында, «Росреестр» сайтындағы шәхси кабинетта һәм Күп функциялы үҙәктә эшләргә мөмкин..
3️⃣ Күсемһеҙ милектең берҙәм дәүләт реестрынан өҙөмтә алыу тураһында заказды тик Госуслуги һәм «Росреестр» сайты аша бирегеҙ . Башҡа сервистарҙың законлы булмаған маҡсаттар өсөн мәғлүмәт йыйыуы ихтимал.
4️⃣️ Һатыусының документтарын – милек хоҡуғы тураһында, Күсемһеҙ милектең берҙәм дәүләт реестрынан өҙөмтәне, элекке хужалары һәм милеккә хоҡуғы теркәлгән балаларҙың булыуы-булмауы тураһында мәғүмәттәрҙе – килешеү төҙөгәнгә тиклем тикшерегеҙ. Документтарҙың төп нөсхәләрен талап итегеҙ.
5️⃣️ Шәхси мәғлүмәттәрегеҙҙе телефон аша тапшырмағыҙ. Айырыуса Дәүләт хеҙмәттәре аккаунты тураһында һүҙ барғанда.
6️⃣ Госуслуги порталындағы аккаунтығыҙ паролен даими алмаштырып тороғоҙ һәм шикле һылтанмалар буйынса күсмәгеҙ.
Ошо ҡағиҙәләр тураһында яҡындарығыҙға һөйләгеҙ.
Күсемһеҙ милекте мутлашыусыларҙан һаҡлау тураһында тулыраҡ буклет бирелгән һылтанма буйынса.
#Аңлатабыҙ_Башҡортостан