Предыдущая публикация
🏠 Башҡортостанда йәшәүселәр Торлаҡ төҙөлөшө өсөн аҡса туплау программаһында ҡатнаша ала.
Ул ташламалы ипотека алырға һәм тәүге иғәнәгә мәшәҡәтһеҙ аҡса тупларға ярҙам итәсәк.
Программа нисек эшләй?
1️⃣ «Уралсиб» партнер-банкта һаҡлыҡ вклады асаһығыҙ һәм йылына 1-1,5 процент менән 3-6 йыл дауамында аҡса туплайһығыҙ. Айлыҡ иғәнәнең иң бәләкәй күләме — 3 000 һум, иң ҙур күләме сикләнмәгән. Партнер-банк офисында йәки программа сайтында ғариза бирергә мөмкин. Ғариза 10 көн эсендә ҡараласаҡ.
2️⃣ Республика бюджетынан һеҙҙең тупланмаға айлыҡ иғәнә суммаһының 30 проценты күләмендә адреслы дәүләт ярҙамы (премия) өҫтәлә (әммә айына 5 000 һумдан артыҡ түгел).
3️⃣ Вклад ваҡыты тамамланғандан һуң тупланған сумманы премия менән бергә торлаҡ йәки ер участкаһы төҙөүгә / һатып алыуға йүнәлтәһегеҙ. Әгәр партнер-банк талаптарына тап килһәгеҙ, йылына 5,5 проценттан 7,0 процентҡа тиклем ставка буйынса ташламалы ипотека алыу мөмкинлеге буласаҡ. Кредит суммаһы партнер-банк шарттары буйынса, айлыҡ иғәнәнең даими булыуын һәм уның күләмен иҫәпкә алып, һеҙ йыйған вклад суммаһы нигеҙендә иҫәпләп сығарыла.
4️⃣ Торлаҡ төҙөлөшө өсөн аҡса туплауҙа ҡатнашыусылар өсөн ташламалы ипотеканың иң ҙур күләме – 1,5 миллион һум, ипотека кредитының срогы – туплау ваҡытынан 1,5 тапҡырға күберәк. Әгәр был сумма етмәһә, партнер-банк ғәмәлдәге баҙар шарттары буйынса өҫтәмә сумма бирә ала.
Программала Башҡортостан Республикаһы биләмәһендә даими йәшәгән 18 йәше тулған кешеләр ҡатнаша ала. Бер нисә тапҡыр ҡатнашырға мөмкин.
📊 Ни өсөн Торлаҡ төҙөлөшө өсөн аҡса туплау программаһы отошло?
▫️ Бер үк ғаиләнән бер нисә кеше ҡатнаша ала – һәр кем дәүләт премияһы аласаҡ. Вкладтарҙы берләштереп, дөйөм ипотека кредиты алырға мөмкин.
▫️ Партнер-банкта ипотека буйынса ташламалы процент ставкаһы йылына 5,5 проценттан 7 процентҡа тиклем.
▫️ Халыҡтың айырым категорияһы 5 йыл аҡса туплағандан һуң сумманы дәүләт премияһы менән бергә үҙ ихтыяждарына йүнәлтергә хоҡуҡлы. Улар — бюджет учреждениелары хеҙмәткәрҙәре, йәш ғаиләләр (ата-әсәләрҙең йәше 35-кә тиклем), бәлиғ булмаған балаларҙың ата-әсәһе, 60 йәштән өлкән ир-егеттәр, 55 йәштән өлкән ҡатын-ҡыҙҙар, 1-се, 2-се, 3-сө төркөм инвалидтары.
▫ ️ Махсус хәрби операцияла ҡатнашыусылар һәм уларҙың ғаилә ағзалары өсөн өҫтәмә ташламалар ҡаралған.
▫️ Торлаҡ төҙөлөшө өсөн аҡса туплау программаһында ҡатнашыусылар төбәк дәүләт төҙөүсеһенән баҙар хаҡынан түбәнерәк хаҡҡа торлаҡ һатып алыу хоҡуғына эйә булған кешеләр категорияһына ҡарай.
▫ ️ Программаның партнер-төҙөүселәренән ташлама менән торлаҡ һатып алырға мөмкин.
#Аңлатабыҙ_Башҡортостан
Следующая публикация
Нет комментариев