Предыдущая публикация
Дардим тунларимнинг рангидан қаро,
Ғам куйи бездирган қулоққинамни.
Хазонлар тўшалган йўлаклар аро,
Йўқотиб қўйганман юраккинамни.
Мени ёлғизликнинг ўпқони ютган,
Излаб тополмайман ўзимни ўзим.
Тингламайди юрак, у ҳам тарк этган,
Ҳатто, инкор этар сўзимни сўзим.
Бугуним эртамдан бўлмас умидвор,
Истмалаб ётар бечора севгим
“Сенсиз яшолмайман” деяқол бир бор,
Сўнг майли бир умр яшасанг ҳам жим…
Следующая публикация
Нет комментариев