Мученицы Вера, Надежда, Любовь и матерь их София

Велича́ем вас, честны́е му́ченицы, Ве́ро, Наде́ждо, Любве́ и Софи́е, и чтим святы́я страда́ния ва́ша, я́же за Христа́ претерпе́ли е́сте.
Ра́дуйтеся, трие́ светоза́рнии путие́, ко престо́лу сла́вы Госпо́дни нас веду́щии; ра́дуйся, Софи́е, чад ра́ди твои́х от ли́ка святы́х похвале́нная.
Ра́дуйся, Ве́ро, цве́те ве́ры, па́че сне́га беле́йший; ра́дуйся, услажде́ние стра́ждущих.
Ра́дуйся, Наде́ждо, угнете́нных серде́ц возноше́ние; ра́дуйся, а́ки пото́к цельбоно́сный, жа́жду скорбя́щих душ утоля́ющая.
Ра́дуйся, Любы́, ве́нче из ми́ра, ра́дования и бла́гости соплете́нный; ра́дуйся, у́мная зарни́це ве́чности.
Ра́дуйтеся, Ве́ро, Наде́ждо и Любы́ ку́пно с Софи́ею, ма́терию ва́шею прему́дрою