*****

Бу ғамлардан бошим эгиб, йиғламайман,
Ҳар азобни қувонч билан маҳв этаман.
Қалбда тўла ишонч билан бошим узра
Отам, Онам руҳларини ҳис этаман...
Ҳар нафасим, ҳар қадамим бахтга элтар,
Ҳар дақиқам омад учун сарф этаман.
Бир сония мени ёлғиз қолдирмаган
Отам, Онам руҳларини ҳис этаман...
Бугун аён дўстлариму, душманларим!
Мен уларнинг қалбларини тарк этаман!
Оға-иним, сингилларим ёнларида
Отам, Онам руҳларини ҳис этаман...
Биз бешовлон, беш бармоқни буккан сари,
Ғам, аламлар чекинади, кетар нари.
Шунда бизни хурсанд қучиб турган каби
Отам, Онам руҳларини ҳис этаман...
*****
Утган ота оналаримизни охиратлари обод бўлсин...