Предыдущая публикация
Меҳрга зор кўзларинг ёшлаб,
Жим турасан лабингни тишлаб.
Сиринг очмай кўнгилни ғашлаб,
Нега дардинг айтмайсан аёл.
Ташвишлардан чиқолмай бошинг,
Ўтиб борар умринг ва ёшинг.
Ҳар онингда синаб бардошинг,
Нега дардинг айтмайсан аёл.
Қалбинг куяр ҳар кеча кундуз,
Дардкашинг йўк айтарга бир сўз.
Овутасан ўзингни ҳануз,
Нега дардинг айтмайсан аёл.
Аста секин кунлар ўтади,
Қалбинг ҳамон меҳр кутади.
Бир кун келиб умр битади,
Нега дардинг айтмайсан аёл.
А. Умаров 18.06.2023.
Присоединяйтесь к ОК, чтобы посмотреть больше фото, видео и найти новых друзей.
Нет комментариев