Эллик икки боланг ёнди дафъатан
Э, воҳ қўлга қандай ўрайсан кафан
Она бўл, бошингга оқ рўмолинг ёп,
Ота бўл белингга боғла, жон Ватан!
Самолар зириллаб кетди фарёддан,
Дарвоза очилди тўгри Жаннатдан,
Оға бўл елкангга тобутларни орт,
Сингил бўл, дод солиб йиғла, жон Ватан!
Ўзбегим, сен қачон қочдинг меҳнатдан,
Қайга кетмоқ бўлдинг оғир қисматдан,
Шаҳидлар шаҳрига аҳолиларинг,
Сўнгги карвонларга миндир, жон Ватан!
Ногоҳ алангага бурканганда тан,
Калима келтириб улгурдингмикан.
Ўзбекман деганнинг жон юрагидан
Эллик икки қабр ковла, жон Ватан!
Бири ўғлонмиди куёв бўлмаган,
Бири йигитмиди фарзанд кўрмаган.
Ёки етим қолган гўдакларининг,
Кўзларига қандай қарайсан, Ватан!
Мусофирлик фақат Ўзбекдамикан,
Бизнинг камимиз бор қайси миллатдан.
Берма болаларинг алангаларга,
Бевақт ажалларга берма, жон Ватан! https://t.me/joinchat/AAAAAEH9RrTyNcjqKPuLDg
Присоединяйтесь к ОК, чтобы посмотреть больше фото, видео и найти новых друзей.
Нет комментариев