Анас розияллоҳу анҳудан ривоят қилинади: "Набий солаллоҳу алайҳи васаллам: "Менга умматимнинг ажрлари, ҳаттоки, кишининг масжиддан чиқарган чўпи ҳам кўрсатилди. Менга умматимнинг гуноҳлари ҳам кўрсатилди. Бас, Қуръондан бир сура ёки оят берилган одам уни унутганидан кўра каттароқ гуноҳни кўрмадим", дедилар". Абу Довуд ва Термизий ривоят қилган.
Абу Ҳурайра розияллоҳу анҳунинг шундай деганлари ривоят қилинади: "Росулуллоҳ соллаллоҳу алайҳи васаллам: "Сут елинга қайтиб кирмаганидек, Аллоҳдан қўрқиб йиғлаган киши ҳам жаҳаннам оловига кирмайди. Ва (шунингдек) Аллоҳ йўлида етган ғубор билан жаҳаннамнинг тутуни ҳам бир ерда жам бўлмайди."- дедилар." Аҳмад, Ҳаннод, Термизий, Насоий, Ҳоким ва Байҳақий ривоят қилишган, Албоний "саҳиҳ" деганлар.