***
Ты патрэбен мне гэтым ранкам,
Калі вэлюм, як сон, вісіць,
Калі бавяцца промні на ганку,
Як у сажалцы карасі…
Ты патрэбен мне гэтым ранкам.
Ты патрэбен мне днём асеннім,
Калі тоне ў вачах туман,
Калі час назад не павернеш,
Калі зелень ужо спадман.
Ты патрэбен мне днём асеннім.
Ты патрэбен мне ў гэты вечар,
Калі я патрэбна табе.
Калі горне ўсё ж мае плечы
Асцярожна другі да сябе…
Ты патрэбен мне ў гэты вечар.
Ты патрэбен мне цэлую вечнасць,
Калі нават не буду твая,
Калі здасца ўсё недарэчным
І не трэба табе буду я…
Ты ж патрэбен мне будзеш вечна.
Ты патрэбен мне…
* * *
Адчуваю кожнай клеткай шчасце
Ад таго, што ты са мною побач.
Твае вусны — то маё прычасце,
Твае рукі — мне у шчасці помач.
У сутоках гэткае лагоды
Забываю пра надзённы клопат:
Не губляць ад шчасцейка свабоды,
Бо заўжды шчаслівы толькі робат.
Присоединяйтесь к ОК, чтобы посмотреть больше фото, видео и найти новых друзей.
Нет комментариев