Вось ужо 350 дзён нічога невядома пра стан здароўя і месцазнаходжанне Сяргея Ціханоўскага. Яго жонка Святлана, іх сын Карней і дачка Агнія, яго пажылая маці Сафія амаль год не атрымлівалі ад свайго роднага чалавека ніякіх вестачак.
Да яго не пускаюць адвакатаў.
Да яго не даходзяць перадачы.
Ад яго не прыходзяць лісты.
Аб ім няма абсалютна ніякай інфармацыі!
Чаму?
Сяргей Ціханоўскі стаўся адным з трыгераў беларускага пратэсту. А яго YouTube-канал – трыбунай для народнай незадаволенасці дзеяннямі ўладаў рознага ўзроўню. Рэжым спалохаўся, таму ў 2020-ым Сяргея Ціханоўскага кінулі ў турму, а затым асудзілі па надуманым абвінавачанні на 19,5 гадоў калоніі.
Аднак рэжыму гэтага мала. Ён хоча зламаць супраціў, знішчыць прагу справядлівасці Сяргея Ціханоўскага, яго родных і блізкіх, а ў канчатковым выніку ўсіх беларусаў. Рэжым лічыць, што чым менш мы ведаем пра тое, у якіх умовах утрымліваюць Сяргея Ціханоўскага, Мікалая Статкевіча, Віктара Бабарыку, Марыю Калеснікаву і шмат якіх іншых герояў пратэсту, тым страшней нам стане за іхны лёс і тым больш мы будзем баяцца самі.
Што мы можам зрабіць?
Працягваць дапамагаць палітвязням, іхным семʼям і дзецям. Размаўляць на беларускай мове, вучыць з дзецьмі сапраўдную гісторыю Беларусі, падтрымліваць культурныя і іншыя ініцыятывы, накіраваныя на развіццё беларушчыны. Абавязкова захоўваць сябе ва ўмовах акупацыі, змагацца і верыць. Толькі разам мы пабудуем у Беларусі сапраўдную Краіну для жыцця.
МЫ НЕ МАЕМ ПРАВА ЗДАВАЦЦА✊🏻
Присоединяйтесь к ОК, чтобы посмотреть больше фото, видео и найти новых друзей.
Нет комментариев