Предыдущая публикация
Можаш шчасця шукаць хоць дзе...
З. Дудзюк
Можна доўга ісці да сябе
І не зведаць шляхоў да шчасця.
Можна плыць па рачной вадзе
І не знаць, што яно нябачна.
Можна з мілай сваёй пражыць
І не знаць - гэта твой ратунак.
Паглядзі, як салодка спіць
Вашых палкіх начэй дарунак.
Можна збегчы і не адчуць,
Што згубіў ты свае карэнні,
У нікчэмнасці патануць
І не знаць, дзе шукаць збаўлення.
Можа быць і дажджом касым,
Крылы дай - яно песняй стане,
Каб мажорам вітаць сваім
Тых, хто радасць жыцця губляе!
#аленакотава
Следующая публикация
Нет комментариев