Ҳозиргина телеграм каналдан шу маълумот келиб қолди. Постни ўқигач ҳаёлимга 2 Жаҳон Уруши давридаги Шомаҳмудовлар оиласи эсимга тушиб кетди. Ўзбек халқи ўзининг меҳмондўстлиги, бағрикенглиги билан фахрлансак арзийди. Қўлидаги бир бурда нони ҳатто бўлишиб еган ХАЛҚ фарзандларимиз. Баракалла, ўзбек ўғлони Ҳамза Жумаев!
Манба: @hamzajumayev
Биламан, ҳозир бизнес учун ҳар биримиз оғир дамларни бошимиздан кечиряпмизми, жуда кўп бизнеслар жар ёқасида қолмоқда. Лекин мен бир нарсада ишончим комил, инсон ҳар қандай бизнесдан устун ва шу билан бирга Оллоҳ бизга саҳоват қилиш учун ажойиб имконят бермоқда.
Мен кеча бир жуда ҳам муҳтож оиланикида бўлдим, биласизми, эр-хотин ва тўртта қоракўз биргина эрнинг топиб келган ойлигига кун кечирар экан, едирса, кийинишига етмайди, кийдирса, очлик қийнаяпти. Эр жамоат автобусини ҳайдовчиси бўлиб ишлар экан, кечадан бошлаб у ҳам ишга чиқмасдан уйда ўтиришга маҳкум бўлди. Бўғзимда қолган аччиқ кўзёшим билан хонадондан чиқиб кетдим.
Бугун уларга бозорлик қилиб бериб ишга келдим, лекин қўлим ишга бормаяпти, ахир бутун Ўзбекистонда бу каби оилалар қанча, қанчасини ейишга нони йўқ, қанчаси ишсиз, пулсиз уйда ўтиришга маҳкум бўлди? Буларнинг сонини санаб адоғига етолмаймиз.
Шунинг учун бутун Ўзбекистон бизнес олами вакилларига мурожаатим қўйидагича:
Акамсиз, укамсиз, балки опамсиз ёки синглимсиз, бизни тадбиркор қилган мана шу халқ эмасми? Ўзимиз хоҳлаган машиналарни миндириб қўйган, данғиллама ҳовлиларда яшатиб қўйган мана шу халқ эмасми? Бизни хўжайин қилган мана шу халқ эмасми? Бу халқ, бу жамият бўлмаганда сиз ҳам бўлмасдингиз-ку!
Шундай экан нега бугун биз бу халқни очликдан, пулсизликдан қийналишига қараб турибмиз? Нега биз бир отани етишмовчилик сабаб ўз фарзандининг кўзига қарай олмас даражада келишига пинагимизни ҳам бузмаяпмиз? Пулларимиз мана шу пайтда халқнинг оғирини енгил қилишга ёрдам бермаса, қачон ёрдам беради?
Мен бугундан “Бир кунда 100 муҳтож” акциясини бошладим. Ҳар куни юзта муҳтож оила учун зарур бўлган озиқ-овқат маҳсулотлари: ун, ёғ, картошка, пиёз, нон,меваларни тарқатамиз. Табиийки, бу ишни якка ўзим қилишим жуда мушкул, келинг, ўзбекнинг мард бизнесменлари, бирлашайлик, ким нима билан ёрдам беролса, ўша нарса ҳисоб, кимдир машинаси билан, кимдир пули билан, кимдир вақти билан, умуман олганда бунинг фарқи йўқ. Халқ бизга ҳозир муҳтож, эртага берган ёрдамингиз унга керак эмас.
Агар ёрдам қилиш қўлингиздан келмаса, халқимиз учун, бутун инсоният учун дуода бўлинг ва мана шу постни ёрдам қўлини чўза оладиганларга юборинг. Телеграмда мана шу гуруҳга қўшилинг ва халқнинг дардига дармон бўлинг.
https://t.me/joinchat/FxjTrxoMiVGK7O7HBcGUMw
Присоединяйтесь к ОК, чтобы подписаться на группу и комментировать публикации.
Комментарии 1