Праўладны тэлеканал выпусціў прапагандысцкі фільм, дзе распавядаецца пра арыштаваных падлеткаў і маладых людзей, якіх вінавацяць у «тэрарызме» і супрацы з украінскімі спецслужбамі. У ім распавядаецца пра групу пад назвай «Чорныя салаўі», якой нібы кіравала 16-гадовая ўкраінка Марыя Місюк.
Паводле аўтараў фільму, у 14-гадовым узросце Марыя стварыла ў Беларусі «тэрарыстычную ячэйку», куды ўцягнула пяцярых беларусаў. У фільме сцвярджаецца, што спачатку «Чорныя салаўі» распаўсюджвалі ўлёткі і малявалі графіці, а потым вырашылі арганізаваць выбух у РУУС або пракуратуры ў Баранавічах.
Пры якіх абставінах арыштавалі падлеткаў, не тлумачыцца. Марыі Місюк выстаўлена абвінавачванне ў «Акце тэрарызму».
Присоединяйтесь к ОК, чтобы подписаться на группу и комментировать публикации.
Нет комментариев