https://zubr.in/ref Сябры, ініцыятывы "Голас ( https://t.me/votebelarus2020)" , "Сумленныя людзі ( https://t.me/honestpeople_by)" і ZUBR завяршылі складанне справаздачы па кампаніі "Перакрэслі рэферэндум — перакрэслі беззаконне", якая праводзілася падчас так званага "рэферэндуму" па Канстытуцыі, праз які рэжым Лукашэнка паспрабаваў згуляцца ў легітымнасць ў лютым 2022 году.
Файлы са справаздачай на беларускай і рускай мовах апублікаваныя на сайце ZUBR ( https://zubr.in/ref ), а таксама на сайтах "Голасу" і "Сумленных людзей".
Так званы "рэферэндум" — ад пачатку недарэчны і антыканстытуцыйны па сутнасці сваёй нібыта "плебісцыт" — рыхтаваўся і пачаўся ва ўмовах бясконцых рэпрэсій і пераследу людзей з масштабнымі і чым далей, тым больш значнымі парушэннямі той самай Канстытуцыі, у якую быццам спатрэбіліся нейкія змены. А распачатая Пуціным вайна ва Украіне з выкарыстаннем беларускай тэрыторыі і вайсковай інфраструктуры з ведама Лукашэнкі паставіла беларускаму "гаранту-якога-няма" канчатковую падножку.
Напышлівыя "ўрачыстасці" з "уводам ў сілу" паправак у Канстытуцыю, што адбыліся ў Палацы Незалежнасці 15 сакавіка 2022 году на фоне ахвяраў пераследу у Беларусі і дзясяткаў тысячаў загінуўшых і пацярпелых ва Украіне людзей выклікаюць у любога сумленнага і адэкватнага чалавека выключна пагарду, агіду і абурэнне. Бо цынізму няма канца, і дна так і нябачна.
Зноўку дзякуем усім тым, хто ў цяжкія часы не скараецца і працягвае змагацца за тое, каб мы, беларусы, маглі людзьмі звацца. Тым, хто падчас рэферэндуму ўзялі ўдзел у кампаніі "Перакрэслі рэферэндум — перакрэслі беззаконне" як асэнсаваныя грамадзяне краіны Беларусь і з вялізнай рызыкай для сябе дапамагалі у зборы звестак. Гэтая справаздача — ваша заслуга.
Заклікаем беларусаў трымаць шэраг, працягваць быць салідарнымі ў супраціве і цвердым намеры скончыць з гэтым нялюдзкім вэрхалам. Яго чыняць з-за грошаў і амбіцый два вар'яты, што жывуць у сваёй постcаўковай імперскай рэальнасці і зацягваюць у яе безліч людзей праз гвалт і прапаганду. Дапамагаем Украіне і ідзем да новай светлай дэмакратычнай Беларусі, якой мы вартыя. Мы верым, можам і пераможам.
Жыве Беларусь!
Слава Україні!
https://zubr.in/ref Сябры, ініцыятывы "Голас ( https://t.me/votebelarus2020)" , "Сумленныя людзі ( https://t.me/honestpeople_by)" і ZUBR завяршылі складанне справаздачы па кампаніі "Перакрэслі рэферэндум — перакрэслі беззаконне", якая праводзілася падчас так званага "рэферэндуму" па Канстытуцыі, праз які рэжым Лукашэнка паспрабаваў згуляцца ў легітымнасць ў лютым 2022 году.
...Присоединяйтесь к ОК, чтобы подписаться на группу и комментировать публикации.
Комментарии 2