Бір жас қосып қайтадан,

Көрісуге келдік біз.

Көктем келді жайқалған,

Жолын беріп қыс пен күз.

Көктемде бір келетін,

Көрісудің күнімен.

Қуаныштар көбейсін,

Сыйластықтың үнімен.

Амал күні бүгін бұл,

Көрісетін барлық жан.

Гүл көктемдей құлпырып,

Сыйластықпен танылған

Сыйластықта жүрейік,

Сөз қадірін білейік.

Көрісудің күнінде,

Табысайық, күлейік...

Қуанайық, шаттана,

Әрбір күннен бақ таба.

Көрісейік біз бірге,

Жаңа күнмен мақтана.