11 чэрвеня у аграгарадку Даўгаполле шчыра і весела адзначылі свята вуліцы Цэнтральная. Мерапрыемства было падрыхтавана работнікамі мясцовага сельскага клуба. Удзельнікі калектываў аматарскай мастацкай творчасці радавалі гледачоў сваімі выступленнямі, а з віншаваннямі і шчырымі пажаданнямі звярнуўся да вяскоўцаў старшыня Даўгапольскага сельскага выканаўчага камітэту Віктар Бабкоў. Сапраўдным святочным падарункам сталі вясёлыя песні ў выкананні вакальнага гурта “Сябрына” сектара “Аўтаклуб” Цэнтра традыцыйнай культуры і народнай творчасці Гарадоцкага раёна.