"Яңарыш" газетасы Төмән

Правила поведения при угрозе паводка

Мәдәни тормыш кайный Март ае мәдәни яңалыкларга, иҗади бәйгеләргә бай ай булды. Себер-татар мәдәният үзәге артистлары шәһәр күләмендә узган фестивальләрдә актив катнашытылар, җиңүләр яуладылар. Шәһәрнең танылган 15 нче мәктәбе сәхнәсендә узган «Халык сәнгате» өлкә бәйгесендә барлык юнәлешләр буенча чыгыш ясап, беренче, икенче урыннарга чыктылар. Бәйге нәтиҗәләре буенча «Тубыл кызлары» вокал ансамбле «Эстрада вокалы» номинациясендә 1 дәрәҗәдәге лауреат дипломына лаек булды. Айгөл Корбанова – «Халык вокалы» номинациясендә, Алиса Баганаева – «Фольклор һәм хореография» номинациясендә, Нәркис Нигъмәтуллин «Эстрада вокалы» номинациясендә 1 урынга чыктылар. Нәфис сүз осталары да шигърияткә мәхәббәтләрен, үзләренең сәләтен күрсәттеләр. Сөнгатулла Бекенин, Римма Шәрипова «Нәфис сүз» номинациясендә 1 дәрәҗәдәге дипломнар белән бүләкләнделәр. «Яшьлеккә сәяхәт» ветераннар ансамбле һәм аның җитәкчесе Роза Яхина «Эстрада вокалы» номинациясендә 1 урын алдылар. «Себер нурлары» ансамбленең җырчысы Әлфия Майгадарова «Халык вокалы» номинациясендә 2 урынга лаек булды. Матур, мәгънәле, күп еллар үткәрелеп килгән бәйгене оештыручыларга рәхмәтлебез. Татар мәдәниятен саклаучылар, үстерүчеләр: өлкә татар милли-мәдәни автономиясе рәисе Ләйсән Хөрмәтуллинага, Тубыл шәһәре татарлары милли-мәдәни автономиясе рәисе Сәет Хисмәтуллинга, дәрәҗәле, үз эшләренең оста белгечләренә, Ильяс Бакиевка һәм барлык жюри әгъзаларына рәхмәтләребезне юллыйбыз. Бәйрәм, иҗади бәйгеләр күңелләребездә матур хисләр калдырды. Айгөл МОРАТОВА, Тубыл шәһәре. (Римма Умитбаева тәрҗемәсе). Рәсемдә: Ильяс Бакиев Роза Яхинаны, Динара Әпсәләмованы котлый.

"Илһам бирүче" әдәби кунак бүлмәсендә 16 апрель көнне Төмән шәһәр татар мәдәният үзәгенең Камин залында шагыйрә, өлкә себер татар язучылары берлеге рәисе, Бөтенроссия фольклор бәйгесе лауреаты, Булат Сөләйманов исемендәге премия лауреаты Клара Кучковская-Ярашованың яңа басылып чыккан "Йосоп турлы тастан" дип аталган 7 нче китабының тәкъдим итү чарасы узды. Аны шәһәрнең 13 нче китапханәсе хезмәткәре Луиза Сөрмәтова оештырып, үзе алып барды. Клара Кучковскаяның шатлыгын бүлешергә якыннары, иҗатташ дуслары, иҗатына гашыйк укучылары килгән иде. Чара саф себер татар телендә барды. Авторны котлаучылар арасында филология фәннәре кандидаты Максим Сагидуллин, Россия журналистлары берлеге әгъзасы, шагыйрь Сәгыйть Сагитов, Россиянең атказанган мәдәният хезмәткәре Асия Сәйфуллина, Б.Сөләйманов исемендәге премия лауреаты Әнәс Гаитов, Төмән районы, Акъяр мәчете имамы Әмир хәзрәт Балдин, үзешчән шагыйрә Гөлнара Калиева, актив җәмәгать эшлеклеләре Роза Хәкимова, Рифхәт Насыйбуллин да бар иде. Ә Земфира Шәрипова, Чулпан Акъярлы, Луиза Сөрмәтова кунакларга бүләк итеп җирле авторларның иҗат иткән җырларын башкардылар. Клара Латыйп кызының оныгы Максим Попов гармунда матур көйләр уйнады. Кичә мул табын артында сөйләшү, фикер алышулар белән тәмамланды. Рәүфә КАНГАЗИНА.

Хәзер сез Төмән өлкәсе яңалыклары турында тагын да тизрәк белә аласыз! Тизрәк безнең Telegram-каналга күчегез, анда без төбәкнең иң соңгы яңалыклары белән таныштырырбыз һәм сезнең белән барлык вакыйгалар турында фикер алышачакбыз. "Яңарыш"ның Telegram-каналына сылтама 👉 https://t.me/janartat Без сезне һәрберегезне көтәбез!

Язгы каникулларда - китапханәдә Март аеның соңгы атнасында, бөтен ил буенча әдәбиятны популярлаштыруга юнәлдерелгән «Балалар һәм яшүсмерләр китабы атналыгы» Бөтенроссия акциясе узды. Ямбай авылы китапханәсе язгы каникул көннәрендә Бөтенроссия акциясенә кушылып, укучыларны әдәбиятның мавыктыргыч дөньясына чакырды. Атна буена балалар, әти-әниләре өчен әдәби һәм танып белү сәгатьләре, экологик викториналар, китапханә белән таныштыру һәм мастер-класслар оештырылды. Барлык чараларның төп шигаре : «Гаилә укый - ил укый». «Балалар һәм яшүсмерләр китабы атналыгы»н ачуда китапханәче бәйрәмнең беренче тапкыр 1943 елның язында Мәскәүдә уздырылуы турында сөйләде. Бәйрәмнең исемен рус язучысы һәм сценарист Лев Кассиль уйлап тапкан. Авыр сугыш елларында балаларның күңелен күтәреп җибәрү, аларны рухларындыру максаты белән 1943 елның 25 мартында балалар язучылары белән очрашу оештыралар. Биредә Самуил Маршак, Корней Чуковский, Лев Кассиль, Агния Барто, Сергей Михалков кебек атаклы язучылар катнашалар. Алар балаларга үзләренең шигырьләрен сөйлиләр, әсәрләреннән өзекләр укыйлар, үз иҗатлары турында фикерләре белән уртаклашалар, балаларның сорауларына җавап бирәләр, күңелле әдәби уеннар үткәрәләр. Бәйрәм бары бер көн генә була. Халыкара урман көненә багышланган «Табигатьнең гаҗәеп дөньясына сәяхәт» экологик викторинасында балалар табигать дөньясына сәяхәт ясадылар, табигатьне һәм экологияне саклауда кешенең нинди роль уйнаганын белдерделәр. Укучылар әти-әниләре белән бергә экологик викторина сорауларына актив җавап бирделәр, табышмакларны чиштеләр, табигатькә сакчыл караш, хайваннарны һәм үсемлекләрне саклау турында сөйләделәр. Чараларда яшь китап укучылар әдәби викторинада катнаштылар, әкиятләр, тылсым һәм искиткеч геройлар дөньясына чумдылар. «Балалар һәм яшүсмерләр китабы атналыгы» китап белән тылсымлы онытылмас аралашу вакытын истә калдырды. Китапханәдә игелекле һәм тылсымлы китаплар белән очрашулар дәвам итә. Гөлфара ГАРИПОВА, Төмән районы, Ямбай авылы. Рәсемдә: китапханәдә.

Региональный Штаб взаимопомощи #МЫВМЕСТЕ открывает сбор гуманитарной помощи. 1. Для организации работы волонтеров, участвующих в ликвидации паводков на юге Тюменской области, требуется следующее имущество и инвентарь: - Фонарь прожекторный (ручной фонарь); - Лента клеящая армированная 50*50м КРЕПЫЖ; - Ремкомплект для лодок ПВХ; - Фонари налобные; - Батарейки ААА (мизинчиковые); - Полукомбинезон рыбацкий; - Перчатки АЛЬФА 100 (резиновые, плотные); 2. Для временного обустройства граждан, находящихся в пунктах временного размещения, требуются: - Раскладушки; - Постельное белье; - Подушки; - Матрасы; - Одеяла; - Пледы; - Полотенца; - Гигиенические наборы для взрослых и детей. С более подробным описанием характеристик инвентаря, необходимого для работы, можно ознакомиться по ссылке: https://disk.yandex.ru/i/gHZuaJgxFryv8w. Гуманитарную помощь можно передать по адресу: -ул. Челюскинцев, 46 (ДТиС "Пионер") ежедневно с 9.00 до 19.00; -ул. Геологоразведчиков, 14 а (РСРЦН "Семья") ежедневно с 9.00 до 19.00; -ул. Дзержинского, 30 ("В доме Буркова") ежедневно с 9.00 до 19.00; -ул. Мельничная, 1 ("КДТ Кижеватова") ежедневно с 9.00 до 19.00; -ул. Белинского, 12/7 (ДЮЦ "Фортуна") ежедневно с 9.00 до 19.00. По вопросам работы пунктов сбора гуманитарной помощи обращаться по телефонам: 89199526414, Анастасия Баканова, координатор регионального Штаба "МЫВМЕСТЕ"; 8 (3452) 29-03-01, региональный Штаб "МЫВМЕСТЕ"; #ПаводокТО

МЧС предупреждает!

Безопасность на осенней рыбалке

Внимание! Паводок!