Татарские плейкасты

"Изгеләр йорты, изгеләр кабере, изгеләр чишмәсе" - ул ширек!

Мөшрикләр (многобожники): "Без бу изгеләргә, фәрештәләргә, әүлияләргә, пәйгамбәрләргә һәм башкаларга, дога кылып һәм ярдәм сорап, алар безне Аллаһка якынайтсыннар өчен генә яисә безгә Аллаһ каршында шәфәгать кылсыннар өчен генә аларга ялварабыз!"- диләр.
Аллаһ Көръәни Кәримдә: “Ә Аллаһтан тыш үзләренә кайгыртучы-тәрбиячеләрне алучылар (әйтәләр): «Без аларга бары тик алар безне Аллаһ каршында иң якын булган урынга якынайтсыннар гына дип гыйбадәт кылабыз». Дөреслектә, Аллаһ алар арасында булган бәхәсләргә хөкем итәчәк. Чынлыкта, Аллаһ ялганчыны, каты карышучыны туры юлга салмый"- дип әйтә. (39 сүрә, 3 аять)
Шәфәгать факать Аллаһтан гына сорала!
Аллаһ Көръәни Кәримдә: “Алар (мөшрикләр) Аллаһтан башка үзләренә зарар да, файда да китерә алмый торган нәрсәләргә [потларга, сыннарга, каберләргә] гыйбәдәт кылалар һәм: "Болар - Аллаһ янында безнең шәфәгатьчеләребез (генә)",- диләр. Син [Мөхәммәд] аларга: "Әллә сез күкләрдә һәм җирләрдә Аллаһ белмәгән (нәрсәләрне) Аңа хәбәр итәргә телисезме?",- дип сора. Ул - Аллаһ - Аңа тиңдәшлек китерүдән пакъ һәм өстен!”- дип әйтә. (10 сүрә, 18 аять)
Шәфәгатьнең (заступничество) ике шарты:
1. Шәфәгать кылучыга Аллаһның рөхсәте булырга тиеш
2. Шәфәгать фәкать тәүхид әһеленә генә кылыначак
“Аның рөхсәтеннән башка кем шәфәгать кыла алыр?!” (2 сүрә, 255 аять)
Шәфәгать ике төрле була:
1. Дөрес
2. Тыелган - ягъни хәрам
“И, иман китерүчеләр! Сәүдә дә, дуслык та, шәфәгать тә файда итмәячәк көн килгәнче, Без сезгә биргән ризыклардан өлеш чыгарып калыгыз. Иман китерүдән баш тартканнар – алар Аллаһ урнаштырган чикләрне бозучы залимнәр.” (2 сүрә, 254 аять)