Грамадскасць перамагла: жылы квартал у двары віцебскай шматпавярхоўкі будаваць не стануць. Нагадаем, жыхары дамоў №12 і №12/1 па праспекце Будаўнікоў даведаліся пра тое, што ў двары іх дома хочуць збудаваць тры пяціпавярховыя дамы, з аб'яваў на пад'ездах. Афіцыйнага грамадскага абмеркаваня абвешчана не было. Людзі пачалі скардзіцца і "даставаць" чыноўнікаў усіх узроўняў. І перамаглі! https://tinyurl.com/56jnwbz2
Браслаўчане скардзяцца на ржавую ваду з пахам смуроду. . Для рашэння гэтай праблемы ў райцэнтры нават стварылі камісію пры выканкаме па высвятленні прычын, якія пацягнулі такую вялікую колькасць зваротаў ад насельніцтва па пытанні якасці вады. Але скаргі не спыняюцца. https://tinyurl.com/55cj3jc4
Палітзняволеную, ураджэнку Докшыччыны Аксану Ючкавіч асудзілі да трох гадоў «хатняй хіміі» паводле арт. 342 Крымінальнага кодэкса (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх). Да моманту вынясення выраку ў судзе Фрунзенскага раёна Мінска, каталіцкая актывістка тры месяцы адбыла за кратамі. https://tinyurl.com/34zsxrdm
У Глыбокім зноў новы начальнік РАУС. Ігар Дзехцяр пераведзены ў Глыбокае з Докшыцаў. Яго папярэднік палкоўнік міліцыі Сяргей Стэльмах адпрацаваў на гэтай пасадзе толькі паўтары гады. https://tinyurl.com/bntkuscy
У Віцебску прайшло тактыка-спецыяльнае вучэнне эпідэміёлагаў. Навучанне практыкам абароны насельніцтва ад наступстваў масавых эпідэмій ці прымянення біязброі стала жыццёва неабходным, паколькі ў бягучым годзе на прадпрыемстве "БелВітуніфарм" (п. Должа, Віцебскі раён), плануецца запусціць маштабную вытворчасць вакцын ад COVID-19, грыпу, воспы, гепатыту і іншых высокапатагенных інфекцый. https://tinyurl.com/49baubzm
Згодна з рашэннем Гарадоцкага райвыканкама ўведзены пералік найбольш значных відаў прадпрымальніцкай дзейнасці. Прававы акт набыў моц 30 сакавіка бягучага года. Прынятае рашэнне, на думку ўладаў, дапаможа беспрацоўным у стаць прадпрымальнікамі. Райвыканкам лічыць, што беспрацоўныя павінны шукаць працу ў сельскай вытворчасці і перапрацоўцы сельскагаспадарчай сыравіны (32 відаў дзейнасці), рознічнага гандлю (61 від), у аказанні будаўнічых паслуг (9 відаў) і займацца рамонтам бытавых машын і абсталявання (5 відаў). https://tinyurl.com/ybcxsn6s