06:40
🌸Юзимни ювмоқда дурдай томчилар,
Юракка соғинчнинг тиғи санчилар.
Қутлуғ сафар олдида турган ҳожилар,
Мендан САЛОМ етказинг Расулоллоҳга...💐
🌸Саодат шаҳрига етса қадамлар,
МАККАнинг ҳидлари уфурган дамлар,
Набийнинг юртига борган одамлар,
Мендан салом етказинг Расулоллоҳга...💐
🌸Мийқотда покланиб эҳром кийсангиз,
Кўкдаги фаришта мисол юрсангиз,
ОМОНАТ гапимни эслаб қўйсангиз,
Мендан салом етказинг Расулоллоҳга...💐
🌸Мино водийсида бедор кечада,
Дуолар, тавбалар қабул кечада,
Ҳар битта гўшада, ҳар бир кўчада,
Мендан САЛОМ етказинг Расулоллоҳга...💐
🌸Қадам ташласангиз Арофат томон,
Набийнинг ваъзлари келгани замон,
Жоним ФИДО бўлсин, беҳад эҳтиром,
Мендан салом етказинг Расулоллоҳга...💐
🌸Муздалифада терсангиз тошлар,
Сизга ҳавасмандман, кўзимда ёшлар.
Бизни НУР томонга қайси йўл бошлар,
Мендан салом етказинг Расулоллоҳга...💐
🌸Тавоф этсангиз ул Каъбатуллоҳни,
Жамолини тилаб буюк АЛЛОҲни,
Ҳурмати учун шу Каломуллоҳни,
Мендан салом етказинг Расулоллоҳга.