Նիկոլ Փաշինյանի հանելուկն ու Գագիկ Բեգլարյանի պատասխանը

Թիվ 4 ընտրատարածքում ԵԼՔ դաշինքի ռեյտինգային թեկնածու Նիկոլ Փաշինյանը երեկ տեսանյութ էր հրապարակել՝ մեղադրանքներ հնչեցնելով ՀՀ տրանսպորտի և կապի նախկին նախարար, ՀՀԿ ԳՄ անդամ Գագիկ Բեգլարյանի հասցեին: Վերջինս մասնավորապես համեմատություն էր կատարել նրա եւ Գորբաչովի միջեւ, ապա ցույց տվել Երևան-Աշտարակ ճանապարհին գտնվող կիսավարտ մի կամուրջ, որն իր գնահատմամբ` Հյուսիս-հարավ ծրագրի թերացումն է եղել: Տրանսպորտի և կապի նախարար Գագիկ Բեգլարյանն այսպես է արձագանքել ԱԺ պատգամավորին՝ Այս կարգի շանտաժներով Նիկոլ Փաշինյանը չի կարող վարկաբեկել Բեգլարյաններին: «Անկեղծ ասած, վերջին ժամանակաշրջանում Նիկոլ Փաշինյանի ելույթներին լուրջ չէի վերաբերում, որովհետև լավ ճանաչելով նրան` հասկանում էի, որ զբաղված է պոպուլիզմով եւ իր նախընտրական արշավով, ժամանակին իմ աշխատասենյակ էլ էր գալիս-գնում, ես գիտեմ`նա ինչ է մտածում: Նիկոլ Փաշինյանի վերջին ելույթները ոչ միայն հերթական շանտաժն են, այլ վարկաբեկում են բոլորիս՝ հանուն իր անձնական շահերի»,-ասել է Գագիգ Բեգլարյանը՝ Ժողովուրդ թերթին: