Եղեգնուտցիները պահանջում են 32 տարվա համայնքապետի հրաժարականը.

«Եղել է ՀՀՇ, հետո ՀՀԿ անդամ, հիմա էլ չգիտենք, թե որ կուսակցություն կմտնի, որ ինքն իրեն պաշտպանի կամ պատասխանատվությունից խուսափի։ 30 տարի ամբողջ գյուղը թալանել է։ Անտեսված են եղել այն մարդիկ, որոնք նրան չեն ընտրել։ Մտել են գյուղապետարան` տեղեկանք ուզելու, չի տվել, ասել է`գնացեք, ում ընտրել եք, թող նա էլ տա։ Օգնություններ է բաժանել այն ընտանիքներին, որոնք 2 հարկանի տներ, 2-3 ավտոմեքենա ունեն»,- ներկայացնելով գյուղացիների դժգոհության պատճառը` ասաց մեր զրուցակիցը։