Президент Мирзиёев мурожаатномасидан кейин нималарни кутиш мумкин?

22 декабрь куни Президент Шавкат Мирзиёев Ўзбекистон парламенти икки палатасига мурожаатнома билан чиқди. Олий Мажлисга мурожаатнома Ўзбекистон тарихида илк бор бўлди ва мамлакат президентининг Интернет социал тармоқлари орқали тўғридан-тўғри эфирга узатилди. Би-би-си Ўзбек хизматининг бу галги Facebook Live жонли мулоқоти Президент Шавкат Мирзиёевнинг 4 соатлик чиқишига бағишланди. Хўш, Президент Мирзиёевнинг мурожаатномасидан таассуротлар қандай ва Ўзбекистон ичкариси ва ташқарисидаги инсонлар ушбу тарихий маърузадан нималарни кутадилар. Би-би-си Ўзбекнинг Facebook Live жонли дастури иштирокчилари Норвегиядан мустақил журналист Улуғбек Бакиров, Вашингтондан "Америка овози" радиосининг мухбири Навбаҳор Имамова ва Би-би-си Ўзбек хизматининг Москвадаги мухбири Соҳиба Ҳайитбоева. Жонли дастур бошловчиси Феруза Раҳмон. Би-би-си Ўзбек хизматининг видеоларини www.bbcuzbek.com да ҳам кўришингиз мумкин.