Գավառի թիվ 5 դպրոցում բարձր հիմքերի վրա է դրված ռազմահայրենասիրական դաստիարակությունը: Դրա վառ ապացույցն էր այսօր՝ հունվարի 27-ին կազմակերպված ցերեկույթը՝ նվիրված Հայոց բանակի կազմավորման 25 ամյակին: Այն մի յուրօրինակ հերոսության դաս էր ներկաների համար: Ցերեկույթի մասնակիցները մեծ հուզմունքով և հպարտությամբ խոսեցին հանուն հայրենիքի իրենց կյանքն ու երիտասարդությունը չխնայած հայորդիների մասին: Անթաքույց երախտագիտությամբ ու հարգանքով պատվեցին նույն դպրոցի շրջանավարտ, Արցախում հայրենիքի սահմանները պաշտպանելիս անմահացած Արամայիս Յուրիկի Ոսկանյանի հիշատակը, խոստացան շարունակել և ավարտին հասցնել Արամայիսի և մեր մյուս քաջազունների հերոսական նկրտումները :