18 студзеня адбылася чарговая сустрэча працоўнай групы ў МУС Польшчы, падчас якой уздымаліся актуальныя пытанні зменаў у заканадаўстве Беларусі па пазбаўленні грамадзянства і праязных дакументаў для беларусаў. На сустрэчы прысутнічалі сталыя чальцы працоўнай групы Крысціна Рыхтэр з Офіса Святланы Ціханоўскай і Вольга Дабравольская з Цэнтра беларускай салідарнасці, а таксама запрошаны Арцём Праскаловіч з НАУ.
Намеснік міністра ўнутраных справаў Барташ Градзецкі запэўніў, што польскія ўлады не будуць прызнаваць рашэнне Лукашэнкі аб пазбаўленні грамадзянства. Для Польшчы гэтыя асобы застануцца грамадзянамі Рэспублікі Беларусь. Гэтую пазіцыю МУС будзе дасылаць да Еўракамісіі і заклікаць іншыя краіны Еўрасаюза да такога ж стаўлення.
Але таксама паўстае пытанне пра карыстанне беларускім пашпартам, якое будзе немагчымым у выпадку пазбаўлення грамадзянства. Для вырашэння гэтага пытання польскі МУС прапануе грамадзянам Беларусі карыстацца польскім падарожным дакументам. Беларусы, якія атрымалі часовы від на жыхарства на падставе гуманітарнай візы, могуць з 1 студзеня 2023 года атрымаць такі падарожны дакумент. Новы ўзор падарожнага дакумента быў прадстаўлены МУС Польшчы падчас сустрэчы.
Таксама абмеркавалі праблемы згубленых беларускіх пашпартоў і са скончаным тэрмінам дзейнасці. Для іх вырашэння прапанавана пашырыць кола беларусаў, якія могуць атрымаць новы падарожны дакумент. Гэта патрабуе асобных зменаў у заканадаўстве.
Асобна абмяркоўваліся праблемныя пытанні побыту беларусаў у Польшчы, якія збіраюцца падчас зваротаў у Цэнтр беларускай салідарнасці. ЦБС мае сталую камунікацыю з установай. Пра далейшыя прыняцці рашэнняў з боку МУС Польшчы па гэтых пытаннях можна будзе дадаткова даведацца з сацсетак ЦБС.
Присоединяйтесь к ОК, чтобы подписаться на группу и комментировать публикации.
Нет комментариев