🌠🌠🌠А.

С. Пушкин лемсэ библиотекасо ютась «Нупаль#СВЕТлица» пьесань ды сценариень сборникень презентациясь. Пусмонть пурныцякс кармась МР-нь культурань залуженной роботникесь Раиса Щанкина. Проектэнть теизе «Литова» эрзянь авань вейсэндявксось. Лездасть МР-нь Культурань, национальной политикань ды архивень тевень министерствась, «Луч» культурань кудось.
Пусмосонть пьесатне ды сценарийтне эрзянь кельсэ, кой-конатне ютавтозь рузонь кельс. Башка пельксэсь лемдязь «Вал одтнэнень». Тей совасть од автортнэнь, школань тонавтницятнень произведенияст, конат лиснесть «Чилисема» эйкакшонь журналсо. Те сборникесь карми вадря лездамокс народной театрань студиятненень, тонавтыцятненень.
Истя жо те вастовамасонть невтезель «Нупаль#СВЕТлица» народной театрань студиясь. Сцена лангсо ульнесть «Вармава» фольклорной ансамблясь, МР-нь заслуженной артистэсь Анатолий Нуштайкин (сон ловнось «Масторава» эпостосто пелькс), М.Е. Евсевьев лемсэ МГПУ-нь студенттнэ невтизь «Кот Бодей» сценканть, П.С. Кириллов лемсэ библиотекань «Пацят» фольклорной ансамблясь тейсь «Сёмань ульцясь» инсценировка, паро номерт анокстасть «Ламзурь» ды «Эрзят-мокшет» ансамблятне. Весень седейс токинзе Саранск ошонь центральной библиотекань важодицятне, сынь невтизь А.Пудинэнь «Рубеж» пьесасто пельксэнть.