Татарочки и татары Пензы!!!

«Минем иманым камил!»

«Минем күңелем чиста! Иманым камил!» диючеләр дә җитәрлек. Баксаң — мәчеткә йөрми, шәригать гыйлемен өйрәнми, Аллаһның китабын — Коръән китабын кайсы яктан әйләндереп, дөрес итеп тотасын да белми, намазларын укымый, ураза тотмый, үзе бай, ә мескен-фәкыйрьләргә һәм башка Аллаһ Тәгалә билгеләп куйган тиешле урыннарга зәкәтен чыгармый, Хаҗ кылырга мөмкинлеге булып та — кылмый. «Иманы камил» аның имеш!
Иман бит ул — Аллаһның барлыгына ышану гына түгел! Дөньяда Аллаһка ышанмаган кешеләр гомүмән юк. Ышанмыйм дисә дә, бу аның телендә генә. Чөнки һәрбер кешене Аллаһ Тәгалә бу дөньяга фитри иман белән: Аллаһ бар һәм Ул бер икәнлеген таныган халәттә бу дөньяга китерә. Шуңа күрә, бу синең Аллаһның барлыгына ышануың — Аллаһ Тәгалә сиңа тумыштан ук бүләк итеп биргән фитри иман гына. Ул бөтен кешедә дә бар. Әмма андый ышану гына Аллаһ Тәгаләгә җитми. Иблис тә бит Аллаһка ышана, Аның бөеклеген таный, хәтта теле белән дә шуны исбатлый! Ләкин ул — имансызларның башлыклары һәм адәм затларын Аллаһның
Туры юлыннан аздырырга Раббысына вәгъдә биргән зат. Коръәндә Аллаһ Тәгалә шайтанның сүзләрен китерә:
«Синең Бөеклегең белән ант итәм! Барысын да аздырачакмын! Аларның арасыннан Сиңа ихласлы булган бәндәләреңә генә көчем җитмәс». («Сад», 38:82-83.)
Әбү Муса Сәйфеддин, "Күңелләрне йомшарту китабы"

ӨЧЕНЧЕ ГАМӘЛ

Насараны, яһүдне һәм мәҗүсине кәфергә санамау

Мөшрикләрне (многобожник) кәфер итеп санамаган, яки аларның имансызлыгында шикләнгән, яки аларның юлын дөрескә санаган кеше – имансыз була.
Ислам динендә мөшрикләрнең урыны Аллаһның илчесенең ﷺ хаклыкка өндәвен ишетеп тә иманга килмәгән һәркем имансыз була.
Аллаһ Тәгалә әйтте:
وَمَن يَبْتَغِ غَيْرَ الْإِسْلَامِ دِينًا فَلَن يُقْبَلَ مِنْهُ وَهُوَ فِي الْآخِرَةِ مِنَ الْخَاسِرِينَ
«Берәү ислам диненнән башка бүтән динне эзләсә, аның дине һәм гамәле һич кабул булмый, ул ахирәттә хәсрәтләнүче һәм һәлак булучыдыр» (3:85).
«Китап әһелләре» (насара [христиан] һәм яһүд [иудей]) мөшрикләр рәтенә керәме?
Әйе, Аллаһның расуленә ﷺ иман китермәгән Китап әһелләре мөшрик була, Аллаһ Тәгаләнең ошбу сүзләре моңа дәлил:
قَاتِلُوا الَّذِينَ لَا يُؤْمِنُونَ بِاللَّهِ وَلَا بِالْيَوْمِ الْآخِرِ وَلَا يُحَرِّمُونَ مَا حَرَّمَ اللَّهُ وَرَسُولُهُ وَلَا يَدِينُونَ دِينَ الْحَقِّ مِنَ الَّذِينَ أُوتُوا الْكِتَابَ
«Аллаһка һәм ахирәт көненә иман китермәгән кешеләр белән көрәшегез һәм Аллаһ һәм Аның расүле хәрам кылган нәрсәләрнең хәрамлыгына ышанмаган һәм хак дин - исламны дин итеп алмаган кешеләр белән көрәшегез!» (9:29)
Шулай ук пәйгамбәребез дә ﷺ әйтте: «Мөхәммәднең җаны кулында булган Зат белән ант итәм, бу өмәттән булган яһүд яки насара минем турында ишетеп, минем аша җибәрелгән дингә иман китермичә үлеп китсә, ахыргы урыны җәһәннәм булачак». (Әхмәд 2/317, Мөслим 153).
Бу хөкем алар белән булган килешүләребезгә тугъры булмаска тиеш дигәнне аңлатамы? Юк, Аллаһның мәхәббәтенә ирешү өчен без имансызлардан булган кеше белән килешүебезгә тугъры булырга тиешбез, чөнки Аллаһ Тәгалә әйтте:
فَمَا اسْتَقَامُوا لَكُمْ فَاسْتَقِيمُوا لَهُمْ إِنَّ اللَّهَ يُحِبُّ الْمُتَّقِينَ
«Алар сезнең белән сүзләрендә торсалар, сез дә сүзегездә торыгыз! Аллаһ, әлбәттә, килешүләрне бозудан сакланучыларны сөя» (9:7)
Имансызлар белән булган мөнәсәбәтләрдә кешеләр берничә төркемгә бүленә:
1) Мөселман булмаган халыклар белән аларның бәйрәмнәрендә, тантаналарында, йолаларында катнашучы кешеләр.
2) Мөселман булмаган халыкларга карата аларны үтерү, талау, алдалау һ.б.ш. аша чикләрне бозучы кешеләр.
3) Урталыкта торучы сөннәт әһелләре. Бу аларның бәйрәм һәм йолаларында катнашмаудан, әмма шул ук вакытта алар белән булган мөнәсәбәтләрдә чикләрне узмаудан һәм булган килешүләрне саклаудан гыйбарәт. Шулай ук безгә алар белән сәүдә эшләрендә хезмәттәшлек итәргә дә рөхсәт. Һәм аларны тәүһидкә чакырырга кирәк.