Иң шәп татарча җырлар. Татарстан. Казань. Челны

Сагынсаң да, кайтып булмый торган,
Җаның тартылмаган яклар бар.
Сәбәпләрен сөйләп, аңлатып та,
Әйтеп булмый торган чаклар бар.
Яратып да, күпме җан атып да,
Ташлап ерак киткән ярлар бар.
Язмыш аерганга күпме җирдә,
Ялгыз парлы булган парлар бар.
Җаннарыңа урын таба алмый,
Аптыраган кайчак чаклар бар.
Башларыңны алып качар өчен,
Бу дөнья да була икән тар.
Бу тормышта үзең генә белгән,
Кеше ышанмаслык хәлләр бар.
Үзеңнекен үзең бел дә, яшә,
Һәр кешедә синдәй серләр бар.
//Әлфия Юсупова

Дүртенче бала тапкан җырчы Лилия Хәйруллина: «Кызмы, малаймы соң - әлегә сер булып калсын...»
Татар эстрадасы җырчысы Лилия Хәйруллина дүртенче тапкыр әни булган! Лилия 2024 елның мартында Аргентинаның Буэнос-Айрес шәһәрендә бәби тапкан. Бу хакта ул социаль челтәрдәге язылучыларын хәбәр итте. Күптән түгел генә җырчы янәдән Казанга кайтты.
- Бу яңалык белән шаккаттырдыгыз!
- Шаккаттырырга яратам инде. 4 баланы тәрбияләү җиңел түгел. Аллаһ Тәгалә ничек язган инде, шуны кабул итәм. Йөкле булуымны белгәч, баланы Буэнос-Айреста табарга теләдем. Бала тугач, шул илнең граждан булып исәпләнә. Моның да үз сәбәпләре бар, бу хакта киң җәмәгатьчелеккә сөйләргә теләмим.
- Кызмы, малаймы соң?
- Әлегә с