— Дўхтир, менинг касаллик варақамдаги ташхис деган жойга «НХБ» деб ёзиб қўйибсиз.

Бу нима дегани?
— Уми? «Нималигини Худо билади» дегани..
• • •
Инсоннинг ўз ақлини кўз-кўз этаётганини кўришдан-да бемаъни томоша йўқ. Айниқса, унда заррача ақл йўқ бўлса.
• • •
Учрашувга чиққан ёшлар суҳбатлашмоқда:
— Қаерда ишлайсиз?, - сўрабди қиз.
— Ёқилғи қуйиш шаҳобчасида, - жавоб берибди йигит.
— Қўлингиздан яна бирор нима келадими?
— Ҳа. Бензиннинг ҳиди келади.
• • •
Аёл икки ҳолатда қизариб кетади, била туриб ёлғон гапирганида ёки билмасдан тўғрисини айтиб юборганида…
• • •
Сен шундай аблаҳ, тубан, жирканч эдингки, ҳатто сени суварак десам бу суваракка нисбатан ҳақорат бўлиб қоларди...
• • •
Бир грамм туйғу — тонналаб далилларга тенг.
• • •
Кўзгудан эҳтиёт бўлинг, баъзан унда ўзингизни кўришингиз мумкин.
• • •
Одамлар ҳар хил усулда сузса ҳам бир хил усулда чўкади.